من ذا البشر شفت العجايب بتلويع . . . الشخص يمشي معك بالفين نيه - الملتقى الجماهيري للشاعر محمد بن فطيس المري

#1 10-11-2011, 04:41 AM

لو مالت الدنيا وضاقت مع الريع
ولو زادت أهموم الليالي عليه

اصبر بعون الله وامشي ولا اضيع
لو الجروح اللي بقلبي قويه

تشري همومي وسط ذا القلب وتبيع
كن الحزن ما خذ عليه وصيه

قلب الشقى متعود الهم تنويع
وعندي سوى كل الجروح السطيه

من ذا البشر شفت العجايب بتلويع
الشخص يمشي معك بالفين نيه

ماضقت من خلً رحل دون توديع
همي وحزني قبل لا أعرفه فيه

قل للعنيد وأعترف له بتوقيع
يا هيه أعز النفس ما بغى الرديه

فلا يحسبه لا راح جاء للقلب ترويع
ولا اترجى منه يرجع بجيه

اموت ما ذليت راسي له اطيع
اموت غبن ان كان جيته بذيه

وش بيكون ايام ولاّ اسابيع
وأنساه وأنسى معه عيشه شقيه

وحتى ولو مالت عليه مع الريع
انا العنيد اللي كسبت القضية

الذين يشاهدون محتوى الموضوع الآن : 2 ( الأعضاء 0 والزوار 2)