(( يــا عـسـانا خِــشـرهـ ))

(( يــا عـسـانا خِــشـرهـ ))

السلام عليكم صباحكم اجمل صباح على الاطلاق

اتمنا ان تستهوي ذائقتكم الراااقيه

فديت روح اللي يصون العِشره
ــــــــــــــــــــــــــ اللي يعاتب من غلاي ويشره

أذوب من رقة عتاب عيونه
ــــــــــــــــــــــــــ و آخر عتابه يا عسانا خِشره

لا قالها وانا حزين وضايق
ــــــــــــــــــــــــــ أفلّها لو دنيتي مِنحشره

و أقول شي ٍ ما يجوز الا له
ـــــــــــــــــــــــــ والا لغيره ما يخارج نشره

يصعب على الحضران لو بتقوله
ــــــــــــــــــــــــ وأرقى وأذرب من كلام الدشره

يعني كذا نفدا العيون وكبدش
ـــــــــــــــــــــــ ونفدا عروقش في بياض البشره

القلب لك مرهون في كف اِيدك
ـــــــــــــــــــــــ وتصرفك مقبول بيعَه وأشر ه

لأن المحبه والغلا والحشمه
ـــــــــــــــــــــــ في كل عرق ٍ في الجسم منتشره

وتقول بين الناس مثلي واجد
ــــــــــــــــــــــ واقول زين الناس عقبش كشره

قال المثل فيه اربعين ٍ شِبهه
ـــــــــــــــــــــ واقول والله دون رُبع العَشرَه

الحب لذاته فدا ومعاتَب
ـــــــــــــــــــــ والغيره اللي تستحثك تشرَه

لكن لزوم ان الثقه موجوده
ــــــــــــــــــــــ واذا فقدانها فقدنا العِشرَه

الحب وعزوم العرب والخوه
ــــــــــــــــــــــ تبين مع طيب الزمان وقشره

وانا لو اني من عتابه ضايق
ـــــــــــــــــــــــ ارتااااح من قولة عسانا خِشره

وسلامتكم

المصدر: الملتقى الجماهيري للشاعر محمد بن فطيس المري