فان كانك تعز الرفيق

فان كانك تعز الرفيق

مديت لك كفي على رغم احتياجي يوم جيت=وانا معي شيمه تعاف اني اطالبك الوفى
انا اشهد اني وافيٍ لك لو تناسيت وجفيت=من خوف لا تلحقني من الناس لو كلمة افا
والله ما ادري انت متناسي او انك لي نسيت=بس الوكاد انك ابد ما ترتضي لي بالحفا
يا ما على فعل الجمايل بين خلق الله سعيت=والقلب يصرخ يوم ما به واحد لفعله صفا
اقدم المعروف واسهر عين تحتاج المبيت=ويضيمها فعل السفيه اللي لما استكفى جفى
لا باس يا راسٍ على روس الرجاجيل ارتقيت=الطايله ساس الفخر والمجد بالعز احتفى
انا زرعت الطيب لكن يا فوادي وش جنيت=الا مذلة راس عن درب الكرامه ما غفى
اصيح باعلى الصوت واغت الكمد لا من شكيت=لا الهم فارقني ولا ضيم الزمن عني عفا
من يزرع المعروف في غير اهله يلاقيه ميت=مثل السراج بحزة الظلما معى الخوف انطفى
والمال يوم اني عطيته دين للغالي رضيت=انه يفارقني ويتشرد لو ان عقلي نفى
فأن كاُنك تعٌز الرفِيق احذر من الدين ان وعيت=واذا عطيته بش في وجهه الا منه لفى
في حضرته لا تطلبه وارعاه لا منك مشيت=واحفظ حقوق الخوه انا اخوك في جهر وخفى
يمكن ليا جار الزمان ومن قسى وقته بكيت=يكون ظلك فالمقيل وفالشتا يصبح دفى
او يمكن انما عنده القدره يجيك بما عطيت=واليا طلبته كنك تسفه على وجهه سفى
يا مخي اللي جوف راسي عن ردى الفسله عليت=يا هاجسي بالله وقف لا تكملها كفى

للشاعر ناصر بن حسين الشريف

المصدر: الملتقى الجماهيري للشاعر محمد بن فطيس المري