هي تحسب ان الحب لعبة وتمثيل.. جديدي

هي تحسب ان الحب لعبة وتمثيل.. جديدي

السلام عليكم

مدخل

تضحك وانا من سبة الهجر مذبوح
يالعنبوا قلبك وحبك وطاريك
ماهي طريقة تعشق ايام وتروح
وتبور في قلب ن يحبك ويغليك

ب عنوان ( اشفق عليها )


هي تحسب ان الحب لعبة وتمثيل
يوم وشهر وتصد والبال طايب
ماتدري ان الحب كله تهاويل
ماتدري ان الحب كله غرايب
ماتدري اني فالهوى راكب الخيل
ويم الوفا حثيت كل الركايب
جيت وطموحي ماتكرر في هالجيل
وانا اطلبك قلب ن من الحب ذايب
جيتك وانا ماعرف جميع المحاصيل
اثر الهوى جلاّب كل المصايب
حبيتني فالصبح وانكرت فالليل
نكرتني من دون شدّ وسبايب
يااهل الهوى وشلون ابلقى مقاييل
والقلب مايلقى ظلال وهبايب
مدري علامه فالهوى قاعد يميل
والمشكلة ماقدر عتاب و طلايب
في كل ليل ارسل لها فالمراسيل
ترجع ويرجع فالامل قلب شايب
اشفق عليها شفقة الارض للسيل
لامن بطأ والقحط فالارض صايب
واشفق عليها شفقة البدو لسهيل
لامن بطأ والصيف سبب عقايب
لو كان من شفقي لقيت البهاذيل
والعذر غايب بس وشلون غايب
بالحيل ضايق منك بالحيل بالحيل
وش فيك تبعد وانته اغلى الحبايب

وسلامتكم

قابلة للنقد لآنها لم تنقح من الخلل

رائد

مخرج

مانيب ميّت منك لكنّ مجروح
لآني عطيتك بس مابينّت فيك
جعلك تطيح بواحد ن منّه تنوح
وترجع تبى وصلي وانا اقول مابيك

المصدر: الملتقى الجماهيري للشاعر محمد بن فطيس المري