أنا حالف ما انساك يا هايف الخصر

أنا حالف ما انساك يا هايف الخصر

سقى الله سنياتٍ مضت لي وانا بزر
وانا جاهل درب الهوى ما عرف لونه
وانا دمع عيني كل ما هل من شهر
هماليل واخفي عن هلي لا يشوفونه
ونوب تهل دموع ونوب دمٍ حمر
ونوب كما عدٍّ هل الطرش يردونه
أنا حالف ما انساك يا هايف الخصر
ولو كان قبري قاعة الحيد يطوونه
والا ياهل المجمول ماعاد لي صبر
وذي بندقي في ما تقولون مرهونه
ويا عم..يا المنعور مافي يدي حجر
بزيّك يبي سمح القبل داعج عيونه
أبو لبةٍ عفرا وطوقٍ على النحر
ويا مخبلك يا عاذل القلب من دونه
ولا يمّحي حبٍّ عليه اللحم جبر
سطى في العظام وصافي الجلد (من دونه)
وانا ماذبحني كون ابو مبسمٍ حمر
تجيبه حلوم الليل والبعد (من دونه)
ويا ونتي ونة مريضٍ به الخطر
توعّى وشاف الخام فوقه يقوسونه
ويا فوح صدري فوح بنٍّ اليا طفر
تعدى الحدود وسجوا اللي يصالونه
ومنزالهم مابين (ساده) الى (همر)
ودمث الزبار الزين ما هم يحلونه
عسى من يلوم القلب في ناقل الزهر
يجيه العمى وانا من اللي يقودونه

المصدر: الملتقى الجماهيري للشاعر محمد بن فطيس المري