مجاراه لقصيدة اخوي وليد المقاطي ((( زيت مقري )))

مجاراه لقصيدة اخوي وليد المقاطي ((( زيت مقري )))

سلام عليكم
الكل عارف قصيدة اخوي الشاعر وليد المقاطي بعنوان زيت مقري
بصراحه لا اخفيكم اني اعجبت بها واهتزت القريحه لمجاراتها
علماً اني لازلت مبتدأ وابي العذر من ابوبندر ومن الجزلين في هالموقع
تفضلو هالمتواضعه

ياوجد حالي وجد حالتك هذيّ=ماني على دربين لا واجهتني
وليد لا والله تبي ابيّح كنيّ=من سبّتك كل الهواجيس جتني
احييت جرحً صار له عام منسيّ=وحروف قافك ياولد صوّبتني
ريميةً غابت وهي حبهآ ليّ=مجبور والاقدار هي مجبرتني
راحت ومن راحت وانا فاقد الضي=ياليتها الاقدار معهآ خذتني
ومن لوعة الفرقى وانا اجارع الغيّ=وكل الجوارح في هواه اقبرتني
ماذوق حلو الزاد ولا اشرب الميّ=و المشكله بطيوفهآ عاقبتني
ابادل الونّآت من ساعرً في=وقصيدتك في ما مضى ذكّرتني
احييت جرحً اثر له عام هو حيّ=وحركته ابياتك وزود اتعبتني
حسبي عليك اعوام ماباح كنّي=وادنى بيوت من القصيده غزتني

صيّار الروقي

المصدر: الملتقى الجماهيري للشاعر محمد بن فطيس المري