تخيل ان الله نوى... - الملتقى الجماهيري للشاعر محمد بن فطيس المري

#1 11-26-2010, 10:41 PM

اسم لامع , وشاعر متميز , وشاعر جزل , ومن ابرز الشعراء الشباب . . .
استمتع كثيرا بقصائده العذبه

وهـذه أحـداها

للجميل / حــمــدان المـــري

تخيل ان الله نوى... وشاء القدر هو والظـروف

وقال القدر أختار أما في نظرك... أو مسمعـك

يعني إذا أخترت النظر كن الحكي ماله حـروف

ولا إذا اخترت السمع... اسمع ولا كنـي معـك

ماقدًر أشوفك ماسمعك ولاسمعك من دون أشوف

يا أسمعك وانا أشوفك... أو أشوفـك واسمعـك

النعمتين أمكملـه فرحـة لقـاء أغـلا هنـوف

شوفك وصوتك مطمعي قبل اعرف وش مطمعك

وجدي وجود اللي اخيه بتالـي القـوم محـذوف

عليك قبل أوادعـك... واكـف باقـي مدمعـك

امن الغلا في ذمتي كنك في ذا القلـب مغـروف

شفت البحر مثل البحـر مـو بحولـي أجمعـك

الله وهبني محبتك سبحانـه المعطـي الـرؤف

صارت حياتي كلها... وهمي الوحيد أبقا معـك

وإذا أراد الله واشاء... وشاء القدر هو والظروف

أبسمعك وانا أشوفـك... أو أشوفـك واسمعـك

شـَاكِرلْكَـ

الذين يشاهدون محتوى الموضوع الآن : 1 ( الأعضاء 0 والزوار 1)