الله يآ شين الفلسفة والكلافة

اقتباس المشاركة الأصلية كتبت بواسطة فهد الهباش الشعر هم وصاحب الشعر مهموم = أقولها حكمة ولا هي لقافة أقولها دايم مهو بأمس واليوم = بيني وبين لحون شعري وقافة واليوم بأعلنها وبأستحمل اللّوم = من شاعرٍ توّه ما ذاق الحسافة الشاعر اللّي همّه يسجّل ألبوم = يمّا سمان الهرج والّا ضعافه الشعر عنده لعب ومزوح وحلوم = وألّا حروفٍ تنكتب في صحافة مآ هو بمن دنيا الغرابيل مظيوم = والهم مآ عمره مع الوقت شافه يآهيه يا طير عجل شفّه الحوم = قبل المطير أحسب حساب المسافه لآ تكلّف العربان وتشرّه القوم = كلٍّ عرف وش مقدمه من خلافه أحدٍ جفى وأحدٍ نظر نظرة الشوم = والبيت ما كلٍّ سعى به وطافه بحرك عميق وعادك بحاجة العوم = وتقول أنا الغطّاس وأنته تخافه إن كان ما الشعر أحرمك لذّة النوم = وألّا يآ شين الفلسفة والكلافة

نص يستحق التصفيق الحار له يا شاعرنا فهد

وصح الله لسانك يا خوي وبيض الله وجهك

والصراحة سلمت وسلم لنا منطوقك طرحت وأوضحت

لحال وواقع نعيشه بالساحة الشعرية ..


تقبل مرور أختك بحضورها

حروف من نور

ونص رائع ويستحق التقييم ..