القصر معروف كل النّاس بظلاله

القصر معروف كل النّاس بظلاله

يقول من جدّه موصّي على خآله = أبوه مقدم عرب وأخْواله اكْرامي
الطيب فاله وقصر الفخر يبناله = معرّب الساس بين أخوال وأعمامي
بيت الفخر والكرم والعز والطّاله = إليا نظمت الشعر يلزمني إلزامي
أقرآه وأكتبه وأكتب فيه وأقرآله = ولا أخطي الشّآره إليآ زمّها الرامي
مآني بمثل الخفيف اللّي يورّاله = رآوي بقول الحقيقة مآني بظامي
بعض العرب مآ يهم إقفآه وإقبآله = إن جآ هلآ مرحبآ وإن رآح لا دامي
وبعض العرب وسط موق العين منزآله = يبقى بقلبي غلآه وذكره السامي
مدهال قلبه وقلبي دوم مدهآله = ويزيد قدره معي عآمٍ ورى عامي
وبعض العرب حآلته في ذا الزمن حاله = يجآمل النّاس وألّا الحظ مآ قامي
ليته سمعني وخلّاني على بآله = يآ بعد دآر اليمن عن ديرة الشامي
يلفّ ويدور وإليآ خلّص إخباله = كنّه متكّي على مركآه قدّامي
كنّي مربّطه في حلّه وترحآله = وهو يحسب اللّيآلي قبل الأيامي
يشهد علي خالقي ماضقت بأشكاله = الرزق مقسوم والله خير قسّامي
اللي تجمّل مآ يقصر يوم فنجآله = واللّي يجآمل جزآه يلبّس إلثامي
القصر معروف كل النّاس بظلاله = وبيت الخرابه سكن الأبله والأقزامي
وأنا الفتى اللي بيوت الفخر تبنآله = معرّب الساس بين أخوال وأعمامي
بيت الفخر والكرم والعز والطّاله = إليا نظمت الشعر يلزمني إلزامي
أقرآه وأكتبه وأكتب فيه وأقرآله = ولا أخطي الشّآره إليآ زمّها الرامي

المصدر: الملتقى الجماهيري للشاعر محمد بن فطيس المري