دمع " نايف "

دمع " نايف "

برد الشتا .. صيف القلوب الولايف = وصيف الجفا ,, برد المفارق لـ مغليه
رعشة خفوقه والضلوع النحايف = شبّت به آمال اللقا كود تدْفيه
يباري اطيوفه معا كل لايف = ويا كثر ما نادى ولا تلتفت فيه
موّال حزنه ، جاوبَتـْه الحسايف = شرهات واعتاب وغلا غاب محييه
يقبل ويقفي , امتجرّي وخايف = تخالف ظنونه مماشى خطاويه
الدمع يا نايف غشى موق " نايف " = وبيّـح بسدّ(ن) له زمانين مخفيه
عذر الجفا ، ما يقبـَله كود عايف = والا المحب ، عذر الجفا ما يسلّيه

المصدر: الملتقى الجماهيري للشاعر محمد بن فطيس المري