تمنيت أضمك يوم هب البراد وجار - الملتقى الجماهيري للشاعر محمد بن فطيس المري

#1 12-25-2011, 10:47 AM

تمنيت أضمك يوم هب البراد وجار
على ظلوع صدرً تنتعش من دفى ضمك
لكن التماني مابنت للفقارا دار
ولا شفت دربً لا مشا وجهته يمك
حداك التمادي في غرورك على المشوار
وقفيت كن الي مضى ماهو يهمك
عليك الملام وشرهتي والعلوم كبار
عقب ماخذيت وعود الاخلاص من فمك
حبيبً عطاك الحب والصدق حتى صار
على قدر أبوك بحبه وبالحنان أمك
لاشك المقدر صار والغيب فيه أسرار
ولا اشَ قهرني كون ماني بولد عمك
مقادير وحظوظ البشر في يد الغفار
وأنا ما أمدحك لا جت صراحه ولا اذمك
ولكن تذكر كل ماهب برد وجار
وش الكلمه الي قلتها لك وأنا أضمك
أقول أنت بيجي يوم وتروح ياغدار
وتضرب ييدي وتقول لي يا ثقل دمك
لكن وش تقول الحين في تالي المشوار
وانا فالضياع وحظرتك مع ولد عمك

مما راق لي

المصدر: الملتقى الجماهيري للشاعر محمد بن فطيس المري

الذين يشاهدون محتوى الموضوع الآن : 1 ( الأعضاء 0 والزوار 1)