زبن وغالب واليتاما وبن عون=وطامي وفيصل والعضيد وعضيده

زبن وغالب واليتاما وبن عون=وطامي وفيصل والعضيد وعضيده

بسم الله الرحمن الرحيم

مساكم الله بالخير جميع...
هذه أبيات للشاعر الكبير/ عايض بن حمود البقمي ... أربعة أبيات لكنها تساوي أربع قصائد ..
عايض البقمي شاعر جزل وغني عن التعريف .. لا أريد أن أطيل عليكم .. فلكم الأبيات مع الردود:



قال الشاعر / عايض بن حمود البقمي


[الله على نخبة نشاما وصالون=ووقتٍ يمكنا من اللي نريده
وان كان جت بالاختيارات بلعون=باختار ربعٍ كل طيبٍ تجيده
زبن وغالب واليتاما وبن عون=وطامي وفيصل والعضيد وعضيده
ربعٍ ليا جوا في لزومٍ يسدون=توجد بهم كل الصفات الحميده
[/poet]


رد الشاعر/ محمد بن عبدالله اليتيم
يا مشغل الجوال وشلون وشلون=لا والله اللي لك هقاوي بعيده
نظراتك بعيده وانا منك ممنون=يوم ان تزهيد الفتى مايزيده
لك نظرةٍ ماهيب من دون في دون=ولك فوق راس طويق بيضا مشيده
حطمت نظرات اللي يجون يتمنون=وجمعت فرسان بجملة مفيده
يحقق الله الأمر وابليس ملعون=والله يجمعنا بحزة سعيده
[/poet]


رد الشاعر/ غازي بن دخيل الله بن عون العتيبي


عايض من اللي للنشاما يهاوون=مثل هوى قلب الوديد لوديده
وايضا من اللي بالمكارم يفوزون=والجزل من صيد المشاعر بصيده
ابا كنين اللي بللجاف مكنون=بابيات لكن عندنا عن قصيده
اريد يا عايض مثل ماتريدون=وجمعا شمل شرواك فرصه سعيده
[/poet]


رد الشاعر/ غالب بن منصور الشريف
يالله ياللي كل خلقه يموتون=وهو الذي حي حياةٍ وحيده
يا ناصرٍ موسى على قوم فرعون=ومطفي لهب نار الخليل الوقيده
تبرج لقلبٍ كل موحاله الحون=ينهت وينصت لا سمع له نشيده
بالهون يا عايض على القلب بالهون=ترى فوادي ما بقاله شريده
ياراكبٍ من عندنا فوق صالون=مفتول شاصه مثل عمدان ميده
اللون خدرة شاهي فيه ليمون=من الحفيز اللي جديد حديده
ينصا البيوت اللي لها سور وركون=بيوت البقوم اهل السجايا الحميده
سلام يا عايض ثمانين مليون=واعداد ما تثمر بساتين بيده
واليا نويتوا يابيض الوجه تمشون=رد الخبر واخذ العلوم الاكيده
[/poet]


رد الشاعر/ راجح بن عبدالله اليتيم


[ياناظمين الشعر تكفون تكفون=خلوني انظم لي بيوتٍ جديده
ودي اجاري الربع فيما يقولون=سمعت كلٍ قايلٍ له قصيده
والربع من زين الكلام يتنقون=واشوارهم في كل علمٍ سديده
[/poet]


رد الشاعر/ سلطان بن حمود البقمي
رجل تمنى والرجال يتمنون=وهو يتمنى وامنياته فريده
والله مالومه والعرب مايلومون=والله يمده بالحياة المديده
يريد جمع اللي بالاوعاد يوفون=نخبة اخوان بالوفا والعقيده
قدام ربعه في غيابه يعزون=ولا يعزي فاقد له فقيده
ينوي وهم حريصين مثله وينوون=اهل المكارم والصروح المشيده
]


ولكم خالص تحياتي وتقديري...
..

المصدر: الملتقى الجماهيري للشاعر محمد بن فطيس المري