ماااا دمت اناااا شاااعررر

ماااا دمت اناااا شاااعررر

يا صاحبي تكفى ترا خاطري شان=والهم في جوفي نسخ له دفاتر

ما دمت انا شاعر ولي فالوطن شان=با اسجل ابياتي بنزف المحابر

للشعر بي موطن وانا شفته اوطان=له في حضور الصمت بوح ومنابر

لا همت في وادي غشى الصوت وديان=والبوح ياتي مثل الامواج زاخر

انزف تعابير الموده على شان=تنزف خيالي جوف كل المحاضر

انسان لكن عاش ما كنه انسان=كنه سنا برقٍ تسمى بناصر

لكن ابا ارتب تعابيري الان=ما دام لحساس الخلايق مصادر

ماني على مافات راضي وندمان=لا جا الغلط مني ابرر واكابر

شاعر جذب بالفاظ تعبيره اذهان=حتى كسى روض المعاني مشاعر

فكره يحارب موج الابداع بحسان=حتى يكون للجزاله مجازر

له ببتكار الصوره اسلوب فنان=يرضي هوا راسه برسم المناظر

يعزف جمال حروف ويهل ودان=ويثور مثل النار جوف المعابر

ناصر خليط من التشتت والادمان=مدمن شعر ما هو محشش وساكر

القول واضح والطرب تو ما زان=والراس بجزال التعابير تاجر

يستورد انواع الطواريق مجان=ويصدر افضل صنف من نوع فاخر

مجنون لكن خالطه يا عرب جان=واصبح على مراً من الناس شاعر

يحيي باحاسيسه تقاليد نجران=ويضيم روح اهل الخنا والمجابر

حطيت لي في راية المجد عنوان=حتى كسيت المجد بسمي مفاخر

هذا شعوري والشعر ما بعد حان=خايف يموت البوح وسط الحناجر

اسمع صدا صوتي على مر الازمان=يصرخ معى الوجدان ويقول شاطر

وانا تشطرت الخنا سر واعلان=حتى كسيت العز در وجواهر

شاعر ولي في ساحة الشعر ديوان=واساجل الشعار من دون قاصر

فيهم وانا راعي التفرد والاحزان=هدت علي جرحٍ بالاعماق فاجر

المصدر: الملتقى الجماهيري للشاعر محمد بن فطيس المري