الذكريات

الذكريات

.

ما بين شعرة حزن ومعاوية فرحي
مرتني الذكريات وحلّ طاريها
.
وأخذت أخيل الغياب وهمهمة شرحي
وأحلام عمري وبايعها وشاريها
.
لين استكانت همومي في دفا سرحي
واستوفت النفس مرخصها ومغليها
.
وتبيّنت لي معالم ضيقي ومرحي
والهقوه الأوله واللي تواليها
.
واللي له سنين يبحث عن هدم صرحي
قولوا له السالفه بانت مواريها
.
أنا أدري إنه يدوّر فالخفا طرحي
وأنا صروحي مسيّسةٍ مبانيها
.
حتى جروحي وهي سبّة بعض ترحي
لها شموخ النخيل وعذب حاليها
.
عزّيت جرحي وأنا اللي عزّني جرحي
يوم إن بعض الجروح تذل راعيها
.
وما بين شعرة حزن ومعاوية فرحي
ما ينقطع حلم عمري من حراويها

.

الشاعر/ نايف المطيري

.

المصدر: الملتقى الجماهيري للشاعر محمد بن فطيس المري