الكرااامه

الكرااامه

اعزائي اعضاء منتدى ابن فطيس الغالين هذي ابيات قديمه لي وطبعا لها حكايه واحتفض فيها لنفسي ومن شان كذا قلت هالبيتين

ارجو ان تحوز على اعجابكم وقد وضعتها في منتىدى اخر غالي علي (( للعلم فقط ))





اموت انا ولا تهون الكرامه
كرامتي ياهيه تاجن على الروس
منهو رفع شاني عشقت احترامه
ومنهو يبيلي الهون بالرجل مدعوس--((تكرمون))
يلي تحسب اني قليله فهامه
ولا تحسب اني على الجرح بادوس
انا اشهد انك ظايعن في الغمامه
ظيعة هذاك اللي مضيعله اتيوس ---
مسكين لاتكثر عليك الملامه
ياوينهي لقدام من هامة الروس
انا من اربوعن تعرف الشهامه
بنت(ن)على شيخن له العز نااموس
ابوي له مابين ربعه مقامه
مايثني الكلمه ولو طارت الروس
شيخن ولد شيخن خواله نشامه
متعلم الفطنه كما علمة ادروس
الجود طبعه والكرم والكرامه
تشهد له الايام وتشهد له انفوس
ولو الحجر ينطق وتفهم كلامه
كان ايتحاكالك مع كل داعوس
ابوي مايهنا ابلذة منامه
لو كان جاره شــــاغل الفكر هاجوس
مدة يمينه بالعطا له علامه
يفرح ابشوفه كل من كان متعوس
لامن نصاااه المبتلي خذ مرامه
ويفداه لو بتضيع من دونه انفوس
بعض العرب يااتي يدور سلامه
والبعض يبغا مجلس(ن) فيه ناموس
صيته وصل حتى ضواحي تهامه
انوار صيته نورها نور فاانوس
ياعل قبر(ن)ضم حتى اعضاامه
يصبح عليه اوسع امن اديار قابوس
ويسقيه ربي بالمطر من غمامه
وبالورد قبره دايم الدوم محروس
والله لو الموت يشرى اسهاامه
ان كان موته اشتريناه بنفوس
لاكن قدر ربي علينا احترامه
والموت مايخطيك وان كنت مدسوس
هذاك كاس(ن) ذايقينن طعامه
ومايختلف بالقول مومن وهندوس
وصلاة ربي عد نوح الحمامه
على نبي امن اللضى يعتق انفوس

----------------------------------------------------------------------
--وســــــــــــــــــــــــلامتكم

----فاااااااقده

المصدر: الملتقى الجماهيري للشاعر محمد بن فطيس المري