ورشة [ فلبيني ] تخصص / تماتيك

ورشة [ فلبيني ] تخصص / تماتيك

مدخل


الله يرحم غيرة الفنانات عند الشعراء ...
بقلم الاعلامي :عبدالعزيز المتعب

في قلبك الفيروس للبرمجه ضر
............................. شيخ الدراهم لا يبيعك ويشريك



ارسل لكم ثنتين وارسل لكم غر
............................ والثالثه من وبل الافكار ترويك



خاو النشامى خوة الحر للحر
........................... والا الخيانه من سلوم المماليك



حتى حروف الجر يبغى لها جر
.......................... ماقلت موضوعك ولا جبت طاريك



شوف الصناعيه يمينك لها مر
............................. واحساب تصليحك عليه يكفيك



[ ركب سبع رصات ] تبريد محتر
.......................... [ تضبط امبيراتك ] وتبرد بواجيك



تلقى بها [ هندي ] على بلفك يزر
.......................... ورشة [ فلبيني ] تخصص تماتيك



تجيب طبلونك مع الخرط والفر
.............................. قلبي معك والله بستره يخليك



درب السلامه مانوينا بكم شر
............................. بعض الشوارع للمشاكل توديك



لا تاخذ اللي ما يونسك في بر
........................... ولا تضمن اللي للمصالح يخاويك



والهرش ماينفعك في ساحه الكر
............................ لكن ابدعيلك عسى الله يشفيك



[ كان الحسد ] زاد المراره لكم مر
........................ [ شيل المراره ] يمكن انها تنسيك



[ قال الشريف ] بحكمته كنها در
........................ ( الضيف لاتعطيه مقرن علابيك )

مخرج


أصبر على كيد الحسود فإن صبرك قاتله
فالنار تأكل بعضها إن لم تجد ما تأكله


الامام الشافعي


لشاعرها : عبد الله بن سعود العنزي

المصدر: الملتقى الجماهيري للشاعر محمد بن فطيس المري