أخـف كلمه عيّـشتنا مجاريح

أخـف كلمه عيّـشتنا مجاريح

أمّـآ إنتوافق في جميع المساعي
. . . . وألآ عسى الفرقى تحل بركتها

منته منزّه يمكن أيام وتطيح
.. .. .. طاحت من عيوني وجيه بثواني



كم واحد ٍقدره تلاشى مع الريح
.. .. .. من عقب مرباعه بروض المحاني



وش عاد باقي يالوجيه المفاليح
.. .. .. شيرو عسى المركب يحصّل مواني




قدام أجر الصوت وأصيح وأصيح
.. .. .. من غيّر قلوب الوفاء والتفاني



أخـف كلمه عيّـشتنا مجاريح
.. .. .. يرضيك هذا اللي حصل يازماني



إللي دخل قلبي بليّا مفاتيح
.. .. .. طاحت من فعوله طوال المباني



ياقلبي إللي متعبته المراويح
.. .. .. على دروب أول لقى وش حداني



أصدر قرارك للموادع بتصريح
.. .. .. من جابرك تخضع لحب الأناني



مع الأسف سد الوفاء قرر يبيح
.. .. .. وعزمت أبدل خلـّي بخل ثاني



اليوم بعلنها ولا فيه تلميح
.. .. .. أرجو إنتباه السيّدات الغواني



أرض الغلا لاصار ماتنبت الشيح
.. .. .. زمل المشاعر عمره الصبح فاني



إللي تبي قربي بخير وتساميح
.. .. .. ترسل وأنا أغنيها إحترام وحناني



لكن قبل نبدأ ترى أحتاج توضيح
.. .. .. عن لغز حله ماتفيه المعاني



عن وردة ٍتنبت بـ روس الصلافيح
.. .. .. وتظمى لـ بير ٍماتجيه السواني



تحيا بـدون الماء لو عروقها ميح
.. .. .. وتموت من قل العلوم السماني

دام الشعور إللي بقلبك صناعي . . . .
عافت طيور أهل المحبه شجرتها


لشاعرها : فهد العباري

المصدر: الملتقى الجماهيري للشاعر محمد بن فطيس المري