يا ابن أبوي.......

يا ابن أبوي.......

السلام على الجميع اعتذر عن الغيبه ..وعذري على ما قيل:
اما حضورٍ فيه كل التميز
والا بلاش من البدايه حضوري...

اقدم لكم هذه الابيات المتواضعه واتمنى ان تحوز على رضاكم...

لا والله الا يا ابن أبوي الحال ماعادت تسر
الضيق داهم راحتي ومن الضلوع استلها
تعبت اداري ضيقتي وادور لحزني عذر
واضحك واجامل ..ما ابغى منهو ما فطن يفطن لها
يامحزمي والآدمي لو مايمل من الصبر..
بيمل صبره لا صبر فـ سنين عمره كلها
الخوف ماهوب من دموعي لوتهل من الكدر
الخوف لا تجبرني عند احدٍردي وآهلها
ماراح اموت ان شافها ياكود موت من القهر
يومنها طاحت ..ما طاحت عند احد كفوٍلها
ياخوي لا تشره وانا مثل الي بالع له جمر
يغنيك دق السالفه يامحزمي عن جلها
راحت سنين العمر والظاهر بيقفاها العمر
وانا انتظرها يا عساها تنفرج..ياعلها..
ولومابقى من ضيق صدري فالديار الا شبر
بسج رجلي في رجا ان رب العباد يحلها

المصدر: الملتقى الجماهيري للشاعر محمد بن فطيس المري