( الجروح الطايبه )

( الجروح الطايبه )

السلام عليكم ورحمة الله وبركاته

اتمنى ان ترتقي لمشاعركم واحاسيسكم

ما يودي ضيقة البال في بعض الليال
ــــــــــــــــــــ والهجوس اللي تنقّض جروح ٍ طايبه

كون صوته لا غدا له مع الهاتف مجال
ــــــــــــــــــــــ و اتصل لا غاب منهو من اهله هايبه

بس لامنه تنهت وناداني تعال
ــــــــــــــــــــ كن في صدري من الشوك شي صايبه

وارتبكت وصاربي من ترجاه اختلال
ــــــــــــــــــــ وقلت تكفى شف عيوني من اجلك ذايبه

واستباح الدمع والآه في شي محال
ــــــــــــــــــــ ما درى ان دنيا المحبين ماهي سايبه

لين صار القلب نبضه على صدري ثقال
ــــــــــــــــــــــ واصبحت بعض الشرايين عندي عايبه

يا وجودي كل ما هب من شرق وشمال
ـــــــــــــــــــــــ ونسنست والقلب حسّاس من هبايبه

وجد من حِدد قصاصه ولا غيره عيال
ــــــــــــــــــــــ علمه به ريس السجن والا نايبه

وجر ونات ٍ تفتت بها صم الجبال
ـــــــــــــــــــــــ وانتخـى بعـيال عمـانه وقـرايبه

خابر ٍ ان امه عليها من الاحوال حال
ـــــــــــــــــــــ والبلا انه خابر ٍ شين حالة شايبه

ذا وجودي والتوجاد ما ودك يقال
ـــــــــــــــــــــ بس حاديني زماني وناس ٍ غايبه

من نظرني قال وش فيك يا ولد الحلال
ـــــــــــــــــــــ قلت نفسي عقب فرقى وليفي طايبه

وكل ما شفتوا بحالي ترا قِل الوصال
ــــــــــــــــــــــ والعنا والبعد والشوق من سبايبه

ياحبيبي كان تسمع صدى صوتي تعال
ـــــــــــــــــــ كنت هايب شي واليوم ماني هايبه

ودمتم بخير

المصدر: الملتقى الجماهيري للشاعر محمد بن فطيس المري