03-22-2012, 03:37 AM
|
|
راحـت علـوم أجـدادنـا بالمـاضـي// حـتــى الـربـابـه بـدلــت قـيـثــاره
بسم الله الرحمن الرحيم
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
هذي قصيدهـ للشآعر ( أبو فرآس العروي )
عجبتني ونقلتهآ هنــآ ويآارب ماقصرت
والله يستآهل ابو فراس كل خير
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لا هب ريح ولا تمر أعذاره = صطيف فرق أهل باب الحاره
يوم إن كلا صار يمدح هتلر = أو الزعيم إرنستيو جيفاره
نسيتو ابطال العرب ياعالم = ما عاد به أحدن نجيب اخباره
العذر منكم يارجال الأمه = كلا على جاره يشق جداره
راحت علوم أجدادنا بالماضي = حتى الربابه بدلت قيثاره
كل ما نزلنا من جبل في وادي= نشوف غاره تقتفيها غاره
أحدن على صهوة جواده فازع = مره يمين القوم نوب يساره
مرات احس إنه كتيبه وحده = متحمل أنواع الشقا واخطاره
عجزت افسر من يحارب ضده = ياليت به واحد يفك أسراره
وراع الشعيله صاح وين العزوه= وجحا مضيّع من غباه حماره
وإلا حكيم القوم لا جا شوره = تخالطت عنده جميع اشواره
مثل السحاب بكل ديره يرزم = يوم اقتفته الريح طار غباره
واللي على طول المدى يتميلح = مداح نفسه ما يصيب عياره
يقول راس غليص هاكم جبته = وكلن يصفق عاش صاد الشاره
ما يدري إن غليص راح يصيده =مثل السمك لا طاح بالسناره
لا من بدا وقت المصامد هين = كلا تعلى فوق قب امهاره
اليوم كلا يحتفل بالمولد = حتى المجوسي يصتلي في ناره
وتبقى الجبال الثابته مبداها = ما لان حيدن من رزين حجاره
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
أجمل التحآيــآ / ريمــآ العروي
|
الاسْتِغْفَار ~
يُحَوّلْ الامْنيَة إلَى وَاقِعْ وَ يُفَرّجُ الضّيقَ
بمَا يُشْبِهُ المُعْجِزَة ~
أسْتَغْفِرُ الله العَظيمَ وَ أتُوبُ إلَيْه ♥!!~
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|