لا تكحل يأريش العين وشهوله ... الله اللي ياحبيبي مكحلها

لا تكحل يأريش العين وشهوله ... الله اللي ياحبيبي مكحلها

لا تكحل يا ريش العين وشهوله
الله اللي ياحبيبي مكحلها
الهدب ليلٍ كسى الخد من طوله
تنكسر شمس الضحى يوم ظللها
من سبايبها الشياهين منقوله
فتنةٍ من شافها ما تحملها
كن سيوف الهند يا بنت مسلوله
من عيونك كل ما جيت انازلها
في بحرها الموج لا شلْ محموله
وين ما يرسي رموشك سواحلها
من يلوم القلب يا ناس قولوا له
القلوب الميتة ما نجادلها
يا بعد عمري والأزوال يا زوله
لا قبلت ماودك إلا تقابلها
كل ما سلهم وسولف بمعسوله
ابتدت قصة غرامي من أولها
وكل ما نقّضْ جروحي بمجدوله
جيت مع عفْر القصايد اهوبلها
في قصيدي ما لحقته ولا اطوله
بس ذكره بالقصايد يجملها
ما قدرت اكتب جماله على اصوله
راح يكتبني جماله وكملها
شفت لو ياطى على القاع برجوله
ارسلت غرْ السحايب همايلها
لا تكحل يا ريش العين وشهوله
دام ربي يا حبيبي مكحلها

المصدر: الملتقى الجماهيري للشاعر محمد بن فطيس المري