بليز كُل مي .. ::مُصـآفحه أولى:: .. وليـد المَقآطي .. :)

بليز كُل مي .. ::مُصـآفحه أولى:: .. وليـد المَقآطي .. :)

بسم الله الرحمن الرحيم

،،

اعزائي روّاد

القـسم

اسعد الله اوقاتكم بكل خير

يسعدني ان اطرح لكم جديدي ( بليز كـُـلْ مي )

كـ مصآفحه اولى للقسم

آمل ان تحآز على رضآكم واإستحسآنكم

،،
،،

بليز كُلْ مي قبل لا امـوت ولهـان=بيكوز عقب الصد شفـت البهاذيـل


وان كان تبغا لك من الحزن برهـان=دمعي على شانك سحـاب ٍ هماليـل

ذرايف ٍ تسقـي صحـاري ووديـان=ماغير اكافحهـا ببيـض المنآديـل
هلّآ سمحت وجيت لي قدر الامكـآن=عليّ اوضّح لـك جميـع الغرابيـل
لذا فا انصت لي فوقت العتب حـآن=وبعدتّ ((اللهجـآت))دوك التفآصيـل
طآريك دايم راسخ ٍ وسـط الاذهـآن=ماكنت افكـرّ منـك يآتينـي الويـل
دآيم علـى بآلـي لدلّتـك خرمـآن=اقدع على صوتك بزيـن الفنآجيـل
اسهر معك ما اعدّ للوقـت عنـوان=بيني وبينـك حكـي ٍ يقطّـع الليـل
وعقب الغلا وموالف انسان لـانسان=ومشاعر من القلب ماهـي بتمثيـل
نكرتني كـن الـذي كـان مآكـآن=وصدقّت في ظهري جميع الاقآويـل
مآكنت احسبك بآخر الوقـت خـوّآن=يالله ستـرك فـا الليـال المقابيـل
خذهآ نصيحه معك مع طول الازمآن=يبقى شموخي صلب لا يقبل الميـل
الا شموخي ما اقبـل بيـوم ينهـان=لا انهان ماعديت ضمـن الرياجيـل
اذهب برحل عنك ماني بـندمـآن=وافهم ولاتطري جميـع المواصيـل
لعلّهـا خيـره ومـن ربّ الاكـوان=راضي بما يكتبه منشـئ المخاييـل

وهنا شيله لي باليوتيوب

تحيتي للجميع

المصدر: الملتقى الجماهيري للشاعر محمد بن فطيس المري