@ الأدمــي ضيــف @

@ الأدمــي ضيــف @

السلام عليكم ورحمة الله وبركاته وفعلاً ان الانسان ضيف بهذه الدنيا

له مده معينة يعيشها فيها ويرحل والسعيد من جعل إستضافته شاهده له

لا عليه يثقل بها موازينه يوم الوعيد يوم لا ينفع مال ُ ولا بنون

إلا من أتى الله بقلب ٍ سليم .. اللهم آآآمين

وبعد يـ أخوة وأخوات الطيب مشاركتي لهذا اليوم بقسم الترانيم

هي عبارة عن قصيدة جدا ً .. جداً رائعة للشاعر سعود القت المطيري

لما تحمله من تجارب حكيمة بل عبر لكل مار بهذه الدنيا الفانية

فنسأل الله ان يجعل تواجدنا فيها تواجد خير وصلاح ..

اللهم آآآمين يا رب العالمين ..

لن اطيل بالسطور ما عليكم سوى قراءة الشطور أدناه يـ حضــور


يقول الشاعر سعود


قال الذي قاسى من ماضي تجاريبـه = له مدةٍ صفحـة الماضي يراجعهـا
الوقـت مـا دوم صافيـةٍ مشاريبـه = لابدّ من ساعـةٍ تشكي مواجعهـا
الآدمـي ضيـف والدنيـا معازيبـه = والضيـف لازم معازيبه يودعهـا
لو شاف من ثغرها بسمة وترحيبـة = لابدّ روحه ملاك المـوت نازعهـا
شيٍ كتب فـي سجلـه لازم يصيبـه = أقـدار الأمــة موقّـتٍ مدافعهـا
يـ اللي تـذم البخـت وإنته تسابيبه = مقياس جيد السلع جودة مصانعها
مـا كـل طيـرٍ يعشنـه مخاليـبـه = ولا كل لقمة تسد لجـوع جايعهـا
كم مستريبٍ ولا بانت بـه الريبــة = وكم من نزيـهٍ عباة الشك قنعهـا
السيل غير مساره عـن مساريبـه = روس الخليقة مشت مع درب تابعها
بيت الشكالات مرخيٍ فـي أطانيبـه = أهل الودايع تخلـت عـن ودايعهـا
ولا عاد للبعـض لا قيمـة ولاهيبـة = من يـوم بعيونهـا بادت طبايعهـا
وصار القياس الحقيقي للرجل جيبـه = والناس شالت ضررها في منافعهـا
من زاد ماله لزوم تزيـد أصاحيبـه = لو صملته لا لفحها القيـض ميعهـا
ومن قل مالـه تبا تكثـر عذاريبـه = لو كان لا كبرت الدعـوى يسنعهـا
ومن يعترض في نحاة السيل ينحي به = لو كان نفسه هواها ما يزعزعهـا
يقل سعـر الفشـق سبـة مكاذيبـه = وتوزن حمول الأصايل من تهجرعها
والرجل ما يشبل إلا فـي ذواهيبـه = ما هو عصا للبشـر ويـرد تايعهـا
ما يعترض كلمةٍ ما طلعـت شيبـه = بضاعـةٍ بيـن سايمهـا وبايعـهـا
رحاة جاشٍ برمها الوقـت ولهيبـه = وفاعت هجوس الفكر من حر لايعها
من صلوها قلط الكيـف لشواريبـه = فنجال من دلـةٍ ما الوقـت طايعهـا
عقدٍ من اللـول منظـوم للواعيبـه = في جيد من ذيّروهـا من مراتعهـا


صح الله لسانك يـ الشاعر سعود وبيض الله وجهك واقع مرير

صغته بإبداع وتمكن فنسأل الله ان يجعلنا ضيوفاً أخفاء بذنوبهم

إنما ثقلاء بموازين أعمالهم الصالحة ان شاء الله فيها ..

اللهم آآآمين يا رب العالمين

إلى هنا تنهي الأبيات للشاعر الكبير والمبدع سعود المطيري

الذي صاغ كلماتها وحروفها بـ جزالة واضحة دون شك

كلي أمل أن أكون بالفعل أصبت بالإختيار لهذه الجزلة ..

في الختام يـ كـــرام

لكم جلا الشكر والاحترام

مني أختكم في الله جميعاً حروف من نور ..

المصدر: الملتقى الجماهيري للشاعر محمد بن فطيس المري