لا قيل ناصر

لا قيل ناصر

عرج علينا يا حسين الصوره=ياللي جمالك بهذل المعموره
شفت العرب خلفك تحث خطاها=تمشي معك واذهانها مخموره
شبهتهم يا صاحبي لعيبه=كلا يبي ينتال لمس الكوره
والفرق فيها يا عريب المجنى=لمساتهم بقلوبهم محصوره
واللاعب يخطط لشوت الكوره=بس انت يبغى يحفظك في زوره
يعني على ما قيل بروز وجهك=بين الضلوع وبث فيها نوره
خريطه اتكونت جغرافيه=لاهل الحلا والكل بث شعوره
يا درة جوف الجسد مصيونه=ولائها فالقلب حط جذوره
يعني خذة مني غرام الدنيا=وانا وهبت لها الغلا وقصوره
(لا قيل ناصر) راح فيها قولو=يا ويل حال اللي عشق غندوره
حوريه وربي خلقها فتنه=وانا عشقت الفتنه المفطوره
لا جيت ابا انها القلب عن طاريها=قوٌم علي جوف الخلايا ثوره
وتصير نبضات الجسد تلقائي=تعزف غلا للدانه المستوره
لحفتها العنوان قبل المعنى=وانشيتها لمخيلاتي صوره
يا فاتنه قلبي علي لا تقسي=قولي هلا واقول لك مشكوره
القلب ينزف بالغرام الصافي=والصوت بح وضاق به حنجوره
اخاف اقدم هامة انجازاتي=ويضيع معلمها وهي مذعوره
لكن اذا جا للقصيد اعنه=سرج على حصن الخيال وسوره

المصدر: الملتقى الجماهيري للشاعر محمد بن فطيس المري