سوار الذهب يسحب مرزوق الفهمي

سوار الذهب يسحب مرزوق الفهمي

وجدت هذه المحاوره في احد المنتديات الشعبيه المهتمه بالشعرعندما قام احد الشعاريدعى مرزوق الفهمي بمواجهة الشاعر العملاق (سوار الذهب) ولكن الشاعر عبدالله الميزاني لايعرف المجاملة في حينها قا م سوار الذهب بتسحيبة من اول بيت واليكم الطاروق



مرزوق
مرحبا في حفل عبدالماجد اللة لايهينة = = باسم ابوه وباسم ربعة كلهم نثنى التحيه
ضيفنا مايقلط الا من على سمن وسمين = = عندنا سمن وسمين وفيه دله شاذليه

سوار الذهب
البقى يامن رمى به نوح من ظهر السفينه = = في بداية دين ماهي بداية جاهليه
مايجي في النار من ياخذ كتابه في يمينه = = وانت يافضل شخص ويش علمك نسيت الافضليه

مرزوق
المطيري جابه الله وابتدت بيني وبينه = = والله انه ضيف مير الضيف ماسلم عليه

سوار الذهب
المطيري مايكف الدمع من عيناً حزينه = = وان زعلت من المطيري دق راسك في طميه
عزتي للي يموت ولا عوله والدينه = = والاكيد اخر بدايه للشعوب السومريه

مرزوق
والله انك شاعراً وعلومك ثمينه = = والجماعه حذروني منك من قبل العشيه
واحد شوفه يفيد واحدشوفه غبينه = = والحقيقه واضحه مابين هذيه وذيه

سوار الذهب
لاتبعد عن عمود الصبر واطناب السكينه = = كان تبغانا نعلمك الحروف الابجديه
انت يالشاعر شباب ودلو مي ودلو طينه = = من تابط شر سويتم على العالم قضيه

مرزوق
والله اني ادحم الاخصام بجنوباً متينه = = يرحم الله والديك ويرحم الله والديه
يشهد التاريخ للفهمان وانتم فاهمينه = = واعتقد جايلكم يامطير نكبه عالميه

سوار الذهب
والله انك من يوقع راس رمحي في جبينه = = ماحميت البيرق المنشور يوم ابن نهيه
لاتكلم عن فهم في شي حنا خابرينه = = شركم مامن شرار وذمتي منكم بريه

مرزوق
انت لو نضغط عليك شوي بيحت الكنينه = = رحت تنشر اخبار البشر مثل القناه العربيه
الهموم اللي بصدرك تشتغل مثل المكينه = = ماتضيع مجدنا بين الاضحى والضحيه

سوار الذهب
مايحول في قلوب الحاسدين الا الضغينه = = والصحيح ان اهل الارياف ناساً ساحليه

المصدر: الملتقى الجماهيري للشاعر محمد بن فطيس المري