مصافحه بعد الغياب

مصافحه بعد الغياب

عبير كل حروف شعري معيّـه=يا ما نخيت الحرف يقرب وعيّا
ماعاد اشوف بديرتي عين حيّـه=من يوم غابت نجمتـه والمحيّـا
من بعده أظلم كل ركنـن عليّـه=فرقـا كتبهـا الله عليـه وعليّـا
كان أسعد الأوقات لحظة مجيّـه=وأبرمج الساعه بوقـت المجيّـا
يفـز قلبـي والمحانـي سويّـه=وليا سمعنا الصوت نطرب سويّا
ومات الامل يوم انطفى نور ضيّه=وش حيلة اللي مات والجسم حيّا
وقلّبت فكري بين شمسـه وفيّـه=وعيت حروفي عن فراقـه تفيّـا
ياللي دفنت الشوق برضن خليّـه=هو صار قلبك من هوايه خليّا ؟؟
عز الله إنك غيـر هـذا وذيّـه=ما لك شبيهن عنـد هـذا وذيّـا
طويت حبك واتعب القلب طيّـه=اسمع صدى صوتك ينادي هنيّـا
ماكنك الا كـاوي القلـب كيّـه=كيه ولا هي مثـل كـل الكويّـا

المصدر: الملتقى الجماهيري للشاعر محمد بن فطيس المري