قصائد بين طيات المنتدا لمجموعه من الشعراء

قصائد بين طيات المنتدا لمجموعه من الشعراء

بسم الله الرحمن الرحيم
السلام عليكم ورحمة الله وبركاته اما بعد
اخواني اعضاء واداره ومشرفين في هذا الصرح الرائع بما انه غير مرغوب في الاسماء المستعار وبما انني رافض اصرح باسمي وبما ان لدي قصائد لا اعلم اين ذهبت قلت اكتفي بطرح هذا الموضوع
املا ان يشاركني فيه كل الاخوان وكلا له ذائقته ولو عنا نفسه بالرجوع قليلا لانتشال بعض القصائد وبعض الاسماء من ذاكرة النسيان لهذا المنتدا حيث انه مليء بالشعراء الفحول
الذي لم نرهم في الاونة الاخيره بين الاعضاء ولا حتى في المرور فارجو التعاون وها انا ساورد بعض القصائد بذكر اسماء شعرائها املا ان تحوز الفكره على رضاكم
واليكم قصائد البعض




القصيده الاولى للشاعر رائد بن نملان


مـن هواجيسآتخالـف تحـت عـوج الظـلـوع=مـاتـجـي وتــــروح بــبــلاش والدنـيـامـتـاع
فــي ظـحـى لثنـيـن ولا عصـريـوم الـربــوع=صيدهافـاالـجـزل بــيــن الـثـنـيـه والــربــاع
ساريـة مفعـول فـي كــل شـكـل وكــل نــوع=لاكـن تـعـاف الطمـانـي وتعـشـق الارتـفـاع
اشغلـتـنـي لـيــن علمـتـهـا زيـــن الـطـبـوع=واحتـرتـنـي لـيــن جنـبـتـهـا درب الـضـيــاع
مـــن سبايـبـهـا عـيـونـي تـهـمـل بـالـدمـوع=صار في خـدي علامـه وفـي شوفـي شعـاع
وكـم لـيـال عـافـت الـنـوم والعـالـم هـجـوع=فــي مـكـان كــان بـيـت الذيـابـه والـسـبـاع
من همومـي كلمـا رحـت مانويـت الرجـوع=صرت اجي واروح مهموم وادعس كل قاع
اطلب الله وازهمـه فـي سجـودي والركـوع=مامـعـي غـيــره ولالـــي هـجــوم ولادفـــاع
امــرنــا بــيــده وحــنــا لـتـدبـيـره خــضــوع=والله انــي مافـقـدت الامــل فــي الاجـتـمـاع
لاكـــن اسـمــع يامـحـمـد وعــلــم لــربــوع=السفينـه فـي البحـر مالـهـا غـيـر الـشـراع
يامحـمـد فــرع واحــد يكـفـي عـــن فـــروع=لــو زمـنـا يخـلـف الـظـن ويـــذل الـشـجـاع
وانــت رجــال مـجـرب ولــك قـلـب جـــزوع=ودي اكـسـب مـنـك خـبـره بقدرالمسـتـطـاع
رفقة اللي مثل شـرواك درع امـن الـدروع=والله انهـا تـبـري الـجـرح وتـزيـل الـصـداع
وان رجعـنـا للمثـايـل فـانــا كـلــي سـمــوع=انــت لــي قــدوه تكـلـم واطــول الاسـتـمـاع
شاعـر تحمـي جمايـع وتشهـد لــك جـمـوع=نفتـخـر باسـمـك وطـاريـك يـشـرى مايـبـاع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

القصيده الثانيه لشاعر عاد العتيبي

الدروبالبيض مدهوله وتدهل
والبياض لوجه منهيله مداهل
والهيال ليا وطته الرجل ينهل
في عجل تطاه ولا في تماهل
والرجال ليا بدا الميقاف تشهل
والرخوم تلوذ في يوم التشاهل
والصعب مع كثرة الاصرار يسهل
والسهل يصعب عليك مع التساهل
والمعرفه من رجال العرف تنهل
واحمد الله منهلي عذب المناهل
والخطى والعيب ماهوان كنت تجهل
الخطى والعيب كان انك تجاهل
والدروب البيض مدهوله وتدهل
والبياض لوجه منهيليه مداهل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

القصيده الثالثه للشاعرامير الشريف

قضى عمري وجا يوم الوعد يوم الوعد مشهود
وجا يومٍ عبوسٍ مادريت منين ينهالي


وصاحت جدتي وامي بصوتٍ شاحبٍ مكبود
وقال الوالد الرحمه عليه وربك الوالي


بكاني ربعي وخلي ثلاث ايام بالمحدود
بعدها لا بكاني اخ وإلا عم او خالي


رحلت لعالم البرزخ وجا والد وجا مولود
وانا في حفرتي والدمع فوق الخد همالي


ولكن يرحم الله يوم حبلي في الحزن مشدود
بغيت اطري عليكم شي يوم اني بترحالي


تراكم يوم سقتوني لقبري عادني موجود
صدى تهليلكم في اذني وخوفي كيف منزالي


اصيح ولاحدٍ يسمع كأني صوبكم مصدود
امزق داخلي والخوف قطّع مهجة احوالي


ولا كفّى حملتوني مكانٍ كل ابوه لحود
وضعتوني طريحٍ والقبر محفور بقبالي


وقال اللي حفر قبري . جهز قبره وانا المقصود
رفعتوني وانا ابكي دم كيف اليوم مدخالي


ويوم انكم وضعتوني على متن القبر ممدود
طلبت وقلت ابى الفزعه دخيل الواحد الوالي


فزعتوا لي وفزعتكم قبايل واجده وحشود
حثاني كل واحد بالرمل ثم راح عن حالي


شكيت ولاحدٍ عبّر نشدت ولاحدٍ منشود
رحلت وما بقى لي شي غير الله واعمالي


تحت رمل الثرى ميّت نهش لحمي غفير الدود
دخلت بحفرتي ماحدٍ نشدني ويش في بالي


ولكن ما علي شرهه ولا فيكم حدٍ منقود
لأني ما حسبت حساب من يدرون بأفعالي


انا كني ورق والذنب كنه ياجماعه نود
اصدق كذبة الازمان لجل الجو يحلا لي


وذي الحزه انا مدفون وايامي سموم وسود
بعد ما كانت الايام في فسحه تورى لي


وياللي تنظر المكتوب لا تبكي على المفقود
لأن بيوم ياتي لك مثل ماليوم قد جالي


ولكن ارفع ايدك في صلاتك لله المعبود
واقر ما هو تيسر لك لعل دعاك يسلا لي


ويامن تبكي الميّت ترى ماني عليكم زود
بعد بكره يجيك اللي وفاني يوم ترحالي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ

القصيده الرابعه للشاعر ناصر الشريف


مـن خفوقـي للرجـال اللـي لهـم قــدر ومكـانـه=يـا سـلام الله عليكـم عـد مـا الهاجـس دعـانـي
كــل واحــد ياصـلـه مـنـي تحـيـه فـــي مـكـانـه=واشهد ان الحـرف منـي بيـن خلـق الله كفانـي
لا حضـرت اشيـد لنفسـي معـى العـالـم ميـانـه=وان رحلـت اخلـي لـذكـري مشـاريـه تحمـانـي
كيف لا وانا سليـل اهـل الوفـى واهـل الامانـه=الرجـال اللـي لـهـم فالـعـز نـامـوس احتـوانـي
والشلـي بيـن القبايـل لا نـطـق بالـقـول صـانـه=واشهد ان لساني اصبح يا هل الغيره حصاني
ناصـر اعلنهـا وشيـد لـه مـن المعنـى حصانـه=وانـت يـا فكـري تـوقـع لا تسـائـل وش بـلانـي
وا هنـي اللـي تعلـم شــي مــن غلـطـة زمـانـه=والرفيق اللـي يوضـح لـي خطـاي بمـا خفانـي
والقصـايـد مــا تـجـمـل كـــان مافـيـهـا مـتـانـه=والقوافـي مـا تحـرك شـي مــن دون المعـانـي
هاك (هاك اقرا) وانا با اعطيك دره وارجوانه=دام تفكيـري عـن الجزلـه ابـد مـا قـد عصانـي
اعتلي راس القصيد الحر وارفـع عـن طمانـه=واستشير بشور راعي الشور يوم انه عطاني
يـا يبـاس الـعـود مــدري يــا جـنـاه ويــا ليـانـه=يوم اعبر عن شعور الناس في شعري اعاني
القصيـد الزيـن ياتـي نـاصـر الشـامـخ وزانــه=ويهمل مـن داخـل اعماقـه محيطـات وسوانـي
كـل مرسـى لــه سفيـنـه لـكـن الـمـوج بلعـانـه=يقطع حبـال المراسـي جـوف ضفـات الموانـي
لا بغـى ناصـر يراهـن والله ان يكسـب رهانـه=وان بغى ناصر يحارب سـل سيفـه فـي ثوانـي
انـدفـق سـيـل المعـانـي لـيـن عـبـا كــل خـانــه=وانقطـع حبـل الامانـي لـيـه يــا حـبـل الامـانـي
اسئـل الجمهـور هـل يلقـى معـي كــل امتنـانـه=ام يـعـانـي ثـــم لا يـلـقـى لـقـولــي تـرجـمـانـي
هاك قولي يا وسيع العرف عـان القـول عانـه=يـوم انــا خايـلـت بــراقٍ مــن القبـلـه شعـانـي
ريـمٍ اقبـل كنـه النسنـاس فـي صــدري عنـانـه=نـور وجهـه بعثـر نجـوم السمـا قبـل الغـوانـي
سـدد الحربـات فـي قلبـي ولا اخطتـنـي سنـانـه=رمشه القاسي خرق قلبي قبل عـوج المحانـي
صـانـه التفـكـيـر والتعـبـيـر والتـقـديـر صـانــه=لكـن ايـش اســوي لـهـمٍ بـعـد شـوفـه طـوانـي
بـس انـا مليـت مـن طـرد السـراب بكـل حـانـه=يـــا فـــوادي لا تعـذبـنـي كـفـانـي مـــا اتــانــي
مـا مضـى قـد فـات ومـداد القلـم سـجـل بيـانـه=والا انا با اعيش وحداني وابا انهي مـا لفانـي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

القصيده الخامسه للشاعر راجح المشعلي

مــن بــاب تقـديـر المـواقـف والاحـبــاب=وأسـبــاب هـنــات الـعـيــون وسـهـرهــا
لبـا عـيـون الـبـاب والـلـي وراء الـبـاب=الـلـي قـصــر فـــي كلـمـتـه وختـصـرهـا
حديـثـه أحـلــي مـــن طـعــم در حـنــزاب=فـي روضـه (ن)عانـق مطرهـا زهـرهـا
واحلامـهـا اعـــلام وتواريـخـهـا كتاب=تزرع مـحـبـتـهـا وتـقــطــف ثـمــرهــا
ومنـزالـهـا بـيــن الـنـواظـر والاهــــداب=لـــهـــا دهــــــر تـحـتـلـهــا وتـعــمــرهــا
والـيـا زعـلـت تـشـره عليـهـا وتـنـسـاب=بالرغـم مـن حـرص العـيـون وسهـرهـا
وتلـقـالـهـا بــيــن الـمـحـاديـب تــرحــاب=لـبـيــه يـاشـمــس الــريــاض وقـمـرهــا
لـوكـان مـابــه عـــذر نجعـلـهـا اسـبــاب=و نـقـول أكـيــد ان الـظــروف تعـسـرهـا
يافلسـفـه سـقـراط واحـســاس زريـــاب=كــــل الامــــوار الـخـافـيــات تـخـبـرهــا
ماردنـي مـن وصـلـك اهــوال واحــزاب=أخــــاف طــيــب مـعـرفـتــك اخـســرهــا
اعــجــاب لا والله تـعــديــت الاعــجـــاب=هـنــا بـــلا بـيــن الـضـلــوع يـعـصـرهـا
يـثــر عـلــى وانـــوخ حـمــول وركــــاب=واتـــرك مـبـاهــج خــاطــري وحـقـرهــا
الـيــل مـالــه صـبــح والـصـبـح كــــذاب=شمـسـه ثـمـان سنـيـن وانـــا انتـظـرهـا
احــاتـــي الـغــيــاب وشـــــك وارتـــــاب=وارتــاع مــن فـرقـا الغصيـبـه واثـرهــا
مــن قـصـه الحـبـل ومـلاويــه والـــداب=حرصي وخوفي صورة (ن) من صورها
الـثـلـج ذاب الاعـســي الـثـلـج مــــاذاب=لا ذاب عـــــود لــلــجــروح وغــمــرهــا
للـوصـل بــاب الا لــه ابـــواب وابـــواب=الـلـي دخلـهـا شـــوق والـلــي هـجـرهـا
يـاحـبــاب ردوا بــاقــي ايــــام يـاحـبــاب=قـبـل الـرواحــل تشـتـقـي فـــي سـفـرهـا
عـنـدي لـكـم نـفـحـات جـــوري وعـنــاب=ومـــدة كـريــم (ن)بـالـوفــا مـاقـصـرهـا
هـبـت شـمـال وتـهـت والـشـوق غــلاب=ولقـتـنـي الـبـيـض الـســواري ظـهـرهـا
ورجـعـت ادور لــك وانــا جــد مـنـصـاب=واقــوال يـاشـمـس الـريــاض وقـمـرهـا
لبـا عـيـون الـبـاب والـلـي وراء الـبـاب=الـلـي قـصـر فـــي كلـمـتـه واختـصـرهـا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
الى هنا اكتفي لضيق الوقت ولي عوده لاضيف شيء مما حاز اعجابي تحياتي للجميع

المصدر: الملتقى الجماهيري للشاعر محمد بن فطيس المري