( يا ضايق الصدر )

( يا ضايق الصدر )

السلام عليكم

صبحكم الله بالخير


للتواصل معكم



يا ضايق الصدر ليش الضيق والكتمه
ــــــــــــــــــــــــــــــــــــــ فديت قلبك ترا الاحوال محسومه

الخير والشر والارزاق والحكمه
ــــــــــــــــــــــــــــــــــــــ والحب والبغض بين الناس مقسومه

ولحدن ٍ بميت وعاده ما وجد قسمه
ـــــــــــــــــــــــــــــــــــــ لو قيل فالناس معطيه ومحرومه

ما في يدك لا عذاب ولا معك رحمه
ــــــــــــــــــــــــــــــــــــ ولا معك عن رساس الغيب معلومه

خلك صبور ٍ على الشدات والصدمه
ـــــــــــــــــــــــــــــــــــ الايام باللي يهول العقل ملغومه

فيها تخرب بعض الامال وتهدمه
ـــــــــــــــــــــــــــــــــــ وفيها تعمر حظوظ ٍ كان مهدومه

الوقت مرهـٍ بنا في عالي القمه
ـــــــــــــــــــــــــــــــــــ ومرات ما نتقي شلفاه وسهومه

ارجوك يا وقت لا تستـئـصل البسمه
ـــــــــــــــــــــــــــــــــــ ضحكه يعيش الخفوق ويبعد همومه

اللي ربى بالغلا والعف والحشمه
ـــــــــــــــــــــــــــــــــ وصايفه في كثير الناس معدومه

شيهانة ٍ عينها لا فرّعت رسمه
ــــــــــــــــــــــــــــــــ من ريشة الفن والابداع مرسومه

أو بنت اصيل تلاعب شعرها النسمه
ــــــــــــــــــــــــــــــــ أو فلوة ٍ عند راعي الخيل محشومه

غدا لها في خفوقي والجفن وشمه
ــــــــــــــــــــــــــــــــ وبيني وبينه عروق القلب مقسومه

لولاي اداريه من الانذال قلت اسمه
ـــــــــــــــــــــــــــــــ ناس ٍ على ادنى سبب تقذاه وتلومه

الزين به زين والحكمه معه حكمه
ـــــــــــــــــــــــــــــــــــ لو يتهمني ببعض حكاه وعلومه





ودمتم

المصدر: الملتقى الجماهيري للشاعر محمد بن فطيس المري