ردي علي الشريف محمد...الرحب يا صاحبي فعل(ن)على طيب

ردي علي الشريف محمد...الرحب يا صاحبي فعل(ن)على طيب

ياكثر حب اهل بيشـــــــه للتراحيــب=..=ياجهر عيني وعييّ يأهــل بيــــشه

اهل كرم ماجهلنا في المواجيــــــب=..=لاكن خفّوا شويــــه في الطريشـــه

موسى يورد بها صافي المشاريب=..=وعامــر يعمر بهـــا فــوق القشيشه

ادري انهـــا بينه من دون تقــريب=..=ندخل مع بابهــــا عيب الدريشـــــــه

نرسل عليكم مراسيل ومناديــــب=..=كن المضاريف من خمـــر وحشيشه

طال انتضاري على رد المكاتيــب=..=قحيش واتهمــّــه اعلوم القحيشــــه

لو قلتها للعرب قرب" واجانيـــب=..=انتوا حرارٍ على الصيده نشيشــــــه

ردو الخبر ياعربنــا يالمعـــاريـب=..=اليوم كمـــل شهر بعد الغبيشــــــــه

خلّو التراحيب بعديــن التراحيــب=..=يافقع زوري عليكم يأهل بيشــــــه

للشعر وجه(ن)وعمله للمعاطيب
...............وانا عميلي يعاملني بطيشه

من عرف الأجواد لاجتها مناديب

.............تظهر معادن نباها من دقيشه

خص(ن)ليا شرّفت روس المراقيب
...........يبين فعل الصقر من نفض ريشه
الرحب يا صاحبي فعل(ن)على طيب
.........والجود شيخ(ن)منّصب في عريشه
هذا لو ابعدت شوحك يا اشعث الذيب
..........يسري بك الجوع ما عينت عيشه
مساحن الشهب من دون المقاضيب
..............لا تنبش الجمر وتهاود نبيشة
الضيف في مقدمه وسع المحاديب
........واللاش ما له مجس(ن)من هشيشه
تبغى المعزة تقدم فالمساريب
............والا تكاود عن الجايش وجيشة

أحسب مع اللي يحسّب للمحاسيب

............والا أوصد البيبان وقفلها دريشة
عامر صالح ال شنيف

المصدر: الملتقى الجماهيري للشاعر محمد بن فطيس المري