((شمس الضحى ))

((شمس الضحى ))

السلام عليكم ورحمة الله وبركاته


الله يمسيكم بالخير جميع





ما دام قلبي يعشقك فلا يهمك من حكو
ــــــــــــــــــــــ بعض العرب ما يملك لسانه ولا عنده سحى


ما همني لو حطمو والا فعلو والا تركو
ــــــــــــــــــــ بياض قلبك والنوايا كنها شمس الضحى


وان ضايقك من لا يقدر قيمتك قل له شكو
ــــــــــــــــــــ واضحك مثل ما يضحكون الناس من قصة جحى


وتأكد انك لا ضحكت ولا شكيت لهم بكو
ــــــــــــــــــــ واما ابعدو عن وجهتك والا غدو معك صلحى


والا انت حبك في ضميري غير مهما فبركو
ــــــــــــــــــــ لو تنمحي كل المواقف من حياتي ما محى


تذبحني الغيره واجامل وادري انهم ما ادركو
ـــــــــــــــــــــ واصد وانا في خفوقي تطّحن مثل الرحى


كم من شجاع من سوايا الحب والعشق بركو
ــــــــــــــــــــ لانه اذا جا القلب ضحى بالشوارب واللحى


وانا شكيت البعد ضمن اللي من البعد اشتكو
ــــــــــــــــــــــ اللي مكانه في نحى والخل عنه في نحى


وقام الحزن والهم في قلبه وفي عينه نكو
ـــــــــــــــــــــــ واما صحى من حرقته والا توفى ما صحى


وهذي سوايا العشق للي خاض بحره وسلكو
ــــــــــــــــــــــ اقفى بهم موج الاماني والمواجع وانتحى


فقول لك بيني وبينك لا يهمك من حكو
ـــــــــــــــــــــ بعض العرب ان ما استحى منك مامنه مستحى








وسلامة الجميع

المصدر: الملتقى الجماهيري للشاعر محمد بن فطيس المري