المردود على شاعرنا عامر الشنيف ,,

المردود على شاعرنا عامر الشنيف ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله جميع اوقااتكم بكل خير وكل سرور وسعادهـ ,,

اضع لكم ابيات عامر الشنيف ويليها المردود وصح الله لساان عامر وقلبه وعسى الله يجملنا بالرد والعلم الطيب ,,

إمتثل يا حرف وافهق صدر شاعرك المعرّب=قدلي كم ليلة وانـا اقضب شرهتي وادفع ثمنها
الشــوارد من هـواجيسي غــدت مثل المدرّب=له من البرقــع وحــال السبق والحيــلـة وهنها
مرهي ٍ بالصبر واثر الصبر والحــظ المكرّب=ســيرة إللي من عـــرف دنياه من فايت زمنها
جمّل الله من يــثــربـني وانا مـــانـي مثــــرّب=ولا رحـم حــي المعزز والمعــانـي مـن فطنها
يا خــوي المعرفة عطني من الــراي المجرّب=بفهق أضــلـوعــي وأقـدم علمهـا عمــا محنـها
ويش قـــولك في زمـان ٍ غرّب إللي مــا يغرّب=دولــة أيـــــامـــه شريعتهـــا تقــاذفهــا سننـها
شعّبت به فــي شعيب ٍ لـو مشــى فيها يعذرب=وان رقـــى يــم المسيلة شـــاف عبـــّادة وثنها
ومـا يعزر بالخــوي لا صار من شفي مقرّب=غــيـــر لا مسّـــح كفوفه من معــاميل ٍ دهنها
الغـبن والشـيـب والضيقة على حـالي تحرّب=والليــالــي حـيـلـهـا تفــرش على فـالي كفنها
وانت يـــا خـالد زبنك القــاف بالعلم المذرب=والنــوايــــــا سلمها سالــم ولي عندك لحنها

عامر الشنيف ,,

في رجاء سود الليال الي تبعد ماتقرب=هومة الأحساس بعد أهتـاض والجزله حضنها
من هجوس ٍ فالمواقف والشدايد ماتهرب=ثابت ٍ بالعرف وأهل المعرفه يكسب رهنها
مرحبا يلي مشاريهك من الخاطر تسرب=بعد مادار الزمان الشين بالعنف وشحنها
والله أنا فالحقيقه مانبي شي ٍ يخرب=سيرة الابطال فـ الامجاد لأقفى ضعنها
لـو تبين الدره الي دونها الرمح المزرب=كان قام الحظ وارتاح الضمير الي مكنها
مير يابو صالح الدنياء لهاحال ٍ محرب=والعوارف من تجاربها ليا من قل منها
تشتكي وانا اشتكي والوضع واحد لو تغرب=علة انفوس الخلايق شامها والا يمنها
الصبر سيف ٍ لمن حطه على الشده مدرب=والنفوس الصابره يحمل عواقبها بدنها
وانت يكفيك الوفاء للي على العلياء تشرب=غالي ٍ توفي حقوقه بالشهامه مع وفنها
والبدايه والنهايه دمت سالم وأمتشرب=يارفيقي والسوالف عن هل المنقود صنها

وسـلامة قلووبكم ونواظرركم ,, خالد العبيريد .

المصدر: الملتقى الجماهيري للشاعر محمد بن فطيس المري