( طرد المقفي يرد الرأس من قدره )

( طرد المقفي يرد الرأس من قدره )

مساء المحبة

شاركوني هذة المتواضعة

دريت ماعاد لحروف الغلا باقي=عندك ولا عاد لي في خافقك ذره
حسيت بالجوف من فرقاك حراقي=والصدر ضايق وحلقي غص بالعبره
مدري كتبني الألم أو خط بأعماقي=(طرد المقفي يرد الرأس من قَدره)
زرعي ذبل والسواقي كفها الساقي=خسارتي فادحة والله قضى بأمره
موت المحبة طيوفه زارت أحداقي=كسرت قلبي وغيرك ماقدر جبره
ياعالم الضيم جيتك وقع أوراقي=فيك التحقت وشعوري يتعبك سبره
نعم وحيدة ولا لي بالبشر واقي=من جور ظلمك وظلم أيامك الغبره
عمري قضيته وأنا أمشي درب سراقي=اللي سلبني خفوقي من سهم نظره
خضعت له يازماني وأحكم أوثاقي=وأرهى على القلب من نار الجفا جمره
البارحة لاح لي باليآس براقي=أمطر نيازك وصرم قاعي الخضره
كنت أحسب الحب يتبع نهج ميثاقي=أثره سراب وضمت له سالف العشره
يامحمل الهجر لحظة قبل الأغراقي=قبل الحكم تصدره مختوم بالنشره
أب أسألك كيف أداري طاغي أشواقي؟=كيف أحكم الدمع لاقبل طيفه وذكره؟
كيف أقبل البعد عنه وحكم الأفراقي؟=وشلون أفارق وروحي خاضعة لأمره؟
ياموت أقبل مراحب أقبض أرماقي=روحي فنت والجسد قم حطه بقبره
أكتب على النصب (وحدِه) كان خفاقي=الله يبيحه ويرفع بالبشر قدره

دمتم بخير

أختكم
ثورة الزير

المصدر: الملتقى الجماهيري للشاعر محمد بن فطيس المري