لو الدوله تغيض وتمتلي شعار عال العال \ ياعال العال كل الشعب يعرف شاعر الدوله

لو الدوله تغيض وتمتلي شعار عال العال \ ياعال العال كل الشعب يعرف شاعر الدوله

بسم الله الرحمن الرحيم


قصيده للشاعر المبدع سداح الروقي العتيبي ..
في شاعر الوطن سعادة اللواء الركن خلف بن هذال الروقي العتيبي






يشع النور والظلمى تلاشى .. والصحيح يقـال
ومن يكذب بكلمه .. كلمته ماهيـب مقبولـه



لو أنّ الحقّ ما يظهـر يعيـش الباطـل البطـال
على زيف الحقايـق للخلايـق يقـرع طبولـه



حفظك الله وبسم الله تقدّم يـا خلـف هـذال
رعاك اللي عطاك من القصيد سيـوف مسلولـه



على متنك مقصّ .. وفي عيونك هيبة الرجـال
ولك وقفه لها حتى الملك يآقـف علـى طولـه



تشيل الأوسمه والأوسمـه لـولاك مـا تنشـال
عليك البدله اللـي بالفخـر والعـزّ مغزولـه



طليق حجاج ولسانك فصيح ولا عليك جـدال
تهزّ المنبر وصوتـك يهـزّ اللـي توحّـوا لـه



ثلاث عقود وأنت الشاعر اللي يبـدع الأمثـال
هوّيتـك القديمـه باقيـه ماهيـب مجهـولـه



شربت البحر من صغرك .. ولازال البحر لازال
يقدّم لك على مـا تشتهـي مرجانـه ولولـه




كلامك من ذهب يا اللي نظمت العقد والسلسال
ملاحم والحـروف الأبجديـة معـك مكفولـه



نردد ما تقولـه حكمـة ٍ تعقـل بهـا الجهـال
( ليا شال الجمل حمله يقوم الرجـل بحمولـه )



توصيّنا على حـبّ الوطـن وتعلّـم الأجيـال
فحل شعر .. وتحت كمّه يضفّ الشّعر وفحولـه



علم ما له من الأعلام في كل البـلاد أشكـال
بطل .. يا كم بطل غيره .. بطل فعله ومفعوله !



لو الدوله تغيض وتمتلـي شعّـار عـال العـال
يا عال العال كلّ الشّعب يعرف شاعـر الدولـه



كسبها ما ترجّاهـا مـن التصويـت بالجـوّال
شهر صيته لو أنّ النـاس بالتصويـت مشغولـه



نحبك والعيـون اللـي تراقـب عالـي المنـزال
تشوفك كوكب ٍ ثابت تدور نجوم من حولـه !



كبرت وزاد قدرك يا عسى تبقى سنيـن طـوال
علـى مـرّ الليالـي سيرتـك بالمجـد محفولـه




لو النسيان خان الذاكره مـا ينقـص المكيـال
على البدع المباشر خابرينـك تكسـب الجولـه



نماري بك عسى شمسك ما تغرب يا خلف هذال
و لنا حقّ الفخر يا اللي تقول الفخر من هو لـه

------------------------------------------



تنبيه!!

وأن سمعت الي يطيب لك أستماعه **** قول صح لسان سداح العتيبي



.

المصدر: الملتقى الجماهيري للشاعر محمد بن فطيس المري