مردود الشاعر خالد العتيبي على الشاعر سعيد محمد القحطاني

مردود الشاعر خالد العتيبي على الشاعر سعيد محمد القحطاني

هذي الأبيات مردود الشاعر خالد العبيريد العتيبي
على الشاعر سعيد بن محمد القحطاني
وهو يقدم اعتذاره للجميع بسبب ابتعاده

عن الديره وهو خارج نطاق الشبكه

واتصل علي ووصاني اني انزلها
وصح الله السان الشاعر سعيد وصح الله السان الشاعر خالد
واعتذر منكم جميعا لو حصل مني قصور
واتركم مع ابيات الشاعر سعيد محمد القحطاني
ويليها الرد

ياطول صبري واتصبر على ماش
...........حتى الصبر يشكي على حال صابر
الا انت ياسرن سكن داخل الجأش*
................ حفرت لك بقصاء ضلوعي مقابر
اشكي لكم من واهج بالحشى طاش
................... اجحد وأخفي واتصنع واكابر
ياخالد الروقي ويانسل هباش
....................قولو ل قاصد والمقاطي وعابر
تبلغو بالعلم ماعاد منهاش
................قولو طريقك سمح والدرب سابر
عقب الوريكي *صاحي الفكر منداش
...................::. الا وبانت خلتي عقب جابر
واعذرا من الباقين وأقولها كاش
................... من شان نقطع للمشاريه دابر
واقول للي يحسب الجدي يناش
............. عفوا ترا ماني على ما انت خابر

سعيد محمد القحطاني

والمردود من الشاعر خالد العبيريد العتيبي
يامن شكى للي شكى ضيم الأنعاش
......................صبــــراً قضــى واللي بقا صار ثابر
لبيه حاضر والخبر بيننا خاش

..............................مخفي ولا هو ظاهر ٍ بالمنابر

صوتك وصل بالحزن والقلب منداش
..............................اخلف تفاكير العرب والعنابر
من بيننا كلْمات واشي وغشاش
......................تحرق ضمير اللي من الضيم نابر
احزم حزامك واحتزم بي ليا شاش
......................راس الفخر يوم الردي صار غابر
ابشر وبشّر راعي النقش ينقاش
.............................حنا عزايمنا تفوق المضابر
نبذل مساعينا على كل مطراش
................................دام الوفا منا وفينا يكابر
لا تشتكي وانا بصفك على الكاش
..........................لا بد كسر العظم يا القرم جابر
بسمي وبسم اصحابنا اللي على الواش
............................مثل الجبال إللي حجاها يدابر
يقولها الروقي بعد جاب ما حاش

...........................شوارد ٍ تروي ضمير الجوابر

الشاعر خالد العبيريد العتيبي

وسلامتكم جميعا

اخوكم عاامر ال شنيف

المصدر: الملتقى الجماهيري للشاعر محمد بن فطيس المري