محاورة ابو حاتم وعبدالله السفياني

محاورة ابو حاتم وعبدالله السفياني

أبوحاتم
يابـن جابر . طلـع لك صوت . هَزّ المنابـر = ياصل ارض العراق . وياصَل ارض انقرة
رُحت من عنـد جابر . وانت ما غيـر جابر =وابـتـعـوِّد . علـى جـابــر . كمـا الـمنـقـرة
سلطان الحجاز
ماينال المعالي غير رجال صابر=يبذل الجهد والميسور مايحقرة

كل وقتاًله اهله وانت ياذيب خابر=تالي الوقت عود العود لاتشقره
ابوحاتم
مركب الشـعر . في بحر المشاهيـر . عابـر = تارك الميمنـة . يمشي . مع الميسرة
أنت من بيت شيخة . كابر(ن) بـعـد كابـر = إمسك الدرب . مُتيامن . بـِلا . دنـقرة
سلطان الحجاز
الرياجيل يالرجال قالوا مخابر=وانته علمي تشوفه والوفا نقدره

كيف كاتب يضيع دفتره والمحابر=مايقيم ولا له نسبت العبقرة

أبوحاتم
يخرج اصوات . نسمعها . من اهل المقـابـر = إدع . لـ اصـحابـها . بـالعـفـوَ . والـمغـفـرة
ميِّـتاً . في ثـرى قــبـره . بـفعـلـه ، يـُكـابـر = كيـف . لـوكـان ، مـتربـِّـع . على القنـطـرة

سلطان الحجاز
كل مـن يطمـح العليـا لابـده يثابـر= مثـل مـن يـزرع البسـتـان مايثـمـرة
من يغوص البحرلدرواصل وسابر= وانت سباح ماغصت البحر تعبره

أبوحاتم
أآه .. لـو راعي البستـان ، مقطـوع . دابـر= كان ماصار . لا ضجّة . ولاشوشـرة
إن زرع له . صنوبـر . قلتُ يابو الصنابر = وان زرع كـزبرة . قلنا . يبو كزبـرة
سلطان الحجاز
حكمت الله ولطفه بين ماطر وغابر=كلها قدرت الخلاق والله شكره

للهرم لاتقول إنك تصقط شنابر=ثم ترجع حيات اللعب والهستره
ابو حاتم
إن جبرنا الخواطر .وإن كسرنا الجوابر= مانبـت فـيـك . ياعرعر . ولا..عرعرة
الـمجنـن . لهـم عنـد الربـيعـة. عنـابر = يـطـرد . الجن . ويـعلـمهـم . الـدكتـرة

المصدر: الملتقى الجماهيري للشاعر محمد بن فطيس المري