مجاراه وقصيده ,,

مجاراه وقصيده ,,

بسم الله الرحمن الرحيم ,,

سلام عليكم ورحمة الله وبركااته ,,

اسعد الله جميع اوقااتكم بكل خير وكل سرور وسعااده ,,

هاذي مجااراة لـقصيدة سمو الامير خالد بن سعود الكبير واردف قصيده مرفوعه لسموه وكلي امل ان تنال اعجباكم جميعا ً ,,

الامير خالد ,,

على نهج البلابل ,,

علاما ياهوى بالي علاما=كثير الصد والجفوه علاما
عسى ماكدرو صفو المحبه=عوا ذلنا وزادو بالكلاما
حبيبي لاتصدق من حكابي=عذول الحب تصديقه حراما
ترى الشاعر على العاده يغني=ويشجيه الحنين ولايلاما
يجاري بالهديل العذب غيره=على نهج البلابل والحماما
الا يامعشر الشعار ردو=وقولو للغضي ياما وياما
تغزلنا بغضات الصبايا=وغنينا وهيمنا هياما
وعارضنا القصائد بالقصائد=ومعظمها كلامن في كلاما
وقولو له تراني ماجفيته=ولاهوجست في غيره حراما
ولازولن هويته غير زوله=ولالي في هوى غيره مراما
لعله يبتسم لي لاتظرته=ولاسلمت يطرب للسلاما

المجاراه لها لهاذي الابيات ,,

بروق الشعر لاحت فالغماما=سناها يطرد الليل الظلاما
علا طويق أنهمل وانهل وبله=وينعش كل من صابه سقاما
جذب قلبي هواه وبرد نوده=ثم أيقض بي هواجسين نياما
سريت احث مع دربه خطايه=على نهجه وبدعه بالتماما
اعاتب من جرح قلبي بصده=وخلاني على درب الهياما
بدون اسباب له عامين غايب=ومعاليقي على وصله تواما
أصبر خاطري واقول ليته=يحس بخافقه جمر الغراما
ولاكن الهوى يعرف طريقه=تسابق فيه للعاشق سهاما
وأقول ان الذي هيض شجوني=كتابن فيه نفحات الخزاما
طويق اسمه مسمى يستحقه=ومن ضامه على الدنياء يضاما
نوادر خالد بن سعود تكفي=تصفي جو من جوه كتاما
وانا مالي مقاصد في كلامي=ولكن للجزل كل احتراما
وخالد قالها نصف القصيده=زعيم الشعر في نهج النظاما
ترا الشاعر على العاده يغني=ويشجيه الحنين ولايلاما
ختمت القاف بالكادي وبعده=أريج الورد في شطر الختاما

خالد العبيريد ,,
وهاذي المرفوعه الا مقام سموه وهو يعلم الله يستاهل المدح والثناء كله وكسب المدح بأفعاله وعلمه الطيب ,,

يوم السهر مع ضيق بالي تواجه=قامت على قلبي هواجيس وازعاج
قامت تحد القلب وزاد انزعاجه=وعجزت احصل لي عن الضيق مخراج
فكيت باب الشعر عقب اندراجه=وقام يتوهج في ضميري توهاج
من منهلن صافي وعذب ارتهاجه=صافي صفى صافيه عن عد هداج
يشدى لقرهودن صفى عن هماجه=لاسال بأرضن نبتها ريحته عاج
قفرن خلا محدن نزلبه وداجه=ريحة نسيمه للحشاء طب وعلاج
أقرب يانايف راع قلبي وساجه=ماعاد لي عن مذهب الشعر مسهاج
حضر لي البوك المسطر وزاجه=واكتب وانا بمليك من فيض الانتاج
اكتب لمنهو مسفهلن حجاجه=النادر الي في سمى المرجله راج
نال الفخر والطيب جوخه وتاجه=خالد ذرى من حده الوقت محتاج
أبن الامير الي يسر انبهاجه=سعود الكبير الي عن الضيق فراج
من روس قومن في نهار المواجه=راياتهم من فوق هامات الابراج
لاجا نهار الحرب واسمك عجاجه=عدوهم ماله مع الخير منهاج
وان كانها فالشعر مابه عواجه=بحرن تطاما فيه صلفات الامواج
يجذبك لاغنى بعرفه مزاجه=شرد نوادر مابها هرج هراج
أربع لمعنى الشعر توقد سراجه=وطويق برقن في سمى الشعر لاعاج
خمسة دواوينن عليها سياجه=عرف وجزالة شعر من دونها اسياج
انا امدحه مالي ورى المدح حاجه=مادحته افعوله بلا شك وحراج
ومدحن على غير الفعايل سماجه=وقولن بلا فعلن على الرجل ينعاج

وسـلامة قلوووبكم ونواظركم ,, خالد العبيريد .

المصدر: الملتقى الجماهيري للشاعر محمد بن فطيس المري