دخيـل الله يّـا جرحي ؛

دخيـل الله يّـا جرحي ؛

مدخـل
مدري وش أقول لكن ( جعلها خيره ) !
................لو إن بعض السوالف .. مالها داعي

إن جت لـ/ طاري المعاتب فضّها سيره

.................من كف غيرك / ترى ما برّيت أوجاعي
لا تكمّل اللي بقى .. وتزوّد الحيره
................بعد غيوم الصبر شحّت على قاعي
همّك لحاله ؟ بنى له في الحشاء ديره
...................وانا يالـ.. لله افلّ لـ/ همّي شراعي

دخيل الله يَا جرحي .. تصَد تشوف لِك صِرفَه
أنَا أوجعنِي كِبر حَجمِك , وَ أنته بَالحشَا باقِيّ !!

دخِيل الله كَمْ تملِك مِن أسبَاب الوَجَع غِرفَه
وَ أنَا رويَانْ مَافينِي .. وَ كفِك بَالعطَا سَاقِيّ


تطِل أشيَائي مِنْ وَجهِك , وَ أفتَح بالهَلا شُرفَه
ترَانِي كَارهن هَالحَال , وَلكِن وشّ أنَا لاقِي !!


أقولْ اليُوم تتعَدَل .. يقُوم الحَظ مِن طرفَه
وَ يلبَسّ لَه قناعِن صَلب , لأوجَاع الزَمنْ وَاقِيّ



يطِير الحِلم مِن عِيني , لنَاظِر مَامَلك ظَرفَه
طَلقتَه للسمَا حِرن حرَامْ يعِيشّ بأحدَاقِيّ !!


أمَانِي كَامِنَه فِيني , أوْ إنهَا بسّ كذا ( حِرفَه )
تمُوتْ اليُوم وَ أدفنهَا .. وَ أغيبهَا بمشرَاقِيّ


فتَحتْ الجَرح [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]/ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]وَ لا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]ذَرفَه

لقِيتَه حَيّ بأسبَابِنْ ,, توسِع كِل مَا ضَاقِيّ !


عليكْ الله يَا جرحِيّ .. تصِد تشُوف لَك صِرفَه
أنَا وَ الله مَا فِيني , أرِد أصَاحِبْ أورَاقِيّ !

مخــرج:
ضايق .. وثوبي عليّ أفك أزاريره
وكل الحسايف .. معي جملة وقطّاعي
خطاً .. ما يستاهل اندوّر معاذيره !
لا أقنعك فيه وبلاش تحاول اقناعي
ان كانك لـ..غيبتك , قصيت تأشيره
الالتفاته وراء .. ماهي من أطباعي
لك مني آحفظ لـ/ ذاك الوقت تقديره
وأسامحك من دهر عمري لـ.. مرباعي
لو تعرف : الود , والتقدير , والغيره
ما رحت ترقد وغيرك ساهر ٍ واعي !

لــ قلوبكم

المصدر: الملتقى الجماهيري للشاعر محمد بن فطيس المري