ياكاغد القرطاس . . خل الزاج ..خليل الشبرمي التميمي

ياكاغد القرطاس . . خل الزاج ..خليل الشبرمي التميمي

صبآآحـــم ورد



ياكاغد القرطاس خـل الـزاج
ينثر شعوري وآخـر انتاجـي

دام المتيم مـوج بوحـه هـاج
وعسعس عليه الليل وانساجـي

خلّه يفضفض لو لِحِقْه احـراج
وسره تعـدى ظَلْـم وسواجـي

حندس ظلام ارهق فتيل سـراج
.يرجي شعاع الصبـح ينباجـي

ودمع الحزين ان هل هل ازواج
من معصـرات الهـم ثجاجـي

بيّح سـدودي متـرفٍ مغنـاج
وصفـه يعجّـز كـل هراجـي

حلو النبا حبّوب طلـق حجـاج
عذب اللمـى والخـد لعّاجـي

وشمس النهار بوجهـه الوهّـاج
وليل الدجى مجدولـه الداجـي

وخنجر ذياب وقسـوة الحجـاج
وحكمة اياس بطرفـه الساجـي

وجنه ونـار وجلنـار وعـاج
وملحٍ فـرات وعـذبٍ اجاجـي

والقيـروان وقابـس وقرطـاج
ومهد الذهب وعيون الافلاجـي

والجمـر والجمّـار والديبـاج
بين الجبيـن وجيـده العاجـي

قلعة جمـال محصّنـه بابـراج
فيهـا يهـاب ويامـن اللاجـي

وعرش الجمال اليوسفي والتاج
حاشه بلا تصويـت واحراجـي

له نوق شوقي زرفلـن افـواج
كلـي ظمـا والزيـن هداجـي

والعمر ساعة والدروب فجـاج
والله يحقق مـا رجـا الراجـي

لولا الرجا ماحجـوا الحجـاج
ولافكّـر المسجـون بافراجـي

والحرب كر وفـر واستـدراج
والحب حـربٍ مابهـا ناجـي

وش خج قلب فهيد بن مجمـاج
وخـلا خليـل يهيـم ويناجـي

الزيـن يذبـح يالله المخـراج
وصدّ الحبايب مـوتٍ مفاجـي

والوضـع مايحتـاج لاستنتـاج
شوفه شفاي ووصلـه علاجـي

اقول .. والا اقول .. مايحتـاج
احسن لي اسكت وارجع ادراجي

المصدر: الملتقى الجماهيري للشاعر محمد بن فطيس المري