المرشدي ( مولع في حب عفيف )

المرشدي ( مولع في حب عفيف )

الشاعر الكبير وأبن العم القدير عصام بن عباس المرشدي الروقي العتيبي
من سكان الرياض ولكن حب عفيف موطن أباءه وأجداده استحوذ علئ قلبه حتئ أنشد بهذه الآبيات
التي كل من سمعها تمنئ أنه لو كان من سكان محافظة عفيف

( فلله درك ياشاعرنا أبا نادر )



أنا في عفيف مولع القلب ما أدري ليـه
غلاه انطبـع بيـن المعاليـق واشقانـي


أحبه وأنا ما لي مصالـح ولا لـي فيـه
عمايـر ولا بيعـه ولا نيـب سكـانـي


لا مـن كـل للإجـازه طـرا طاريـه
تركت السفر للشرق والغـرب بالعانـي


توجهت لديـارٍ هواهـا العليـل اشريـه
تقول أن فيها صـوت داعـي ونادانـي


تمشيت فيها لو ضحـك واحـد ناسيـه
ما بي الغرب لو جات الحجوزات مجاني


هوا نجد هو شفي وروحي عليه اهديـه
ولا ابيـع حبـه لـو بغاليـة الأثمانـي


صحيح الكلام اللي زميـل الوفـا بانيـه
صدقت بكلام المعرفه يا *ابـن شامانـي


ترا كل قافٍ لك بنجـد العزيـز جنيـه
وفي وفـاك لموطنـك دون الأوطانـي



,

المصدر: الملتقى الجماهيري للشاعر محمد بن فطيس المري