التحيه لال مره

ارررررحب ياناصر حياك الله وحيااكم الله جميعا ً ,,

ناصر بالهون ترا الظنون مثل الطيوور ,,

صح الله لساانك وصح كلك يالقررم جزل ولو لا جزالتك ماجاريتك ,,

واصل والله يرعاك ولك من يجاريك ,,

شاع ذكر اهل المشاعر والهوى يا ناس غربي=والفهد واقـف مكانـه والمعانـي صيرميـه
وانتهض قافي على خالد وشفت القاف سلبـي=كيف با يوصف هل النخوات ورجـال الحميـه
مامعي غير ازهم الهاجوس واناديه طربـي=صوب حماي التوالي والحصـون الهاشميـه
اقصد محمد وفي جنبه رقيـت وشـد صلبـي=الشريف اللـي مواقيفـه معـي دايـم نديـه
وان تفزع قافي لفزاع صـار القـاف حربـي=بين طيات الكلام اطويـه طيـه عقـب طيـه
واذكر اخوات الرجال وما علي لا زان دربـي=عاليه والماسه اللـي نارهـم للغيـر حيـه
والجروح اللي مشاعرها معى التاريخ قربـي=ما علينا من غلاهـا كـان ضربتهـا قويـه
وان ذكرت الفلوه انسى يا هل الناموس كربي=وان ذكرت سعيد زادت كيتي فـي كـل هيـه
الجفا منـه حرمنـي زادي ولـذات شربـي=رقمه اللي في جهازي مقفل وصمتـه رزيـه
وانت يا عامر عمرت الدار يوم اجتحت قلبـي=وقفتك مثل السبـاع الضاريـات الصيرميـه
وان فتحنا باب للشرهات جـف مـداد حبـي=يوم ابو مشاري جعلني بين خلق الله ضحيـه
ومن نسيته لا يعاتبنـي ولا يمشـي بسبـي=والتحيـه لال مـره كلـه ختـم القضـيـه

ناصر الشريف ,,

من تحاليل المعاني والوفاء واقلام كتبـي=يازهور الود فوحي من قرى نجـد العذيـه
أنتخت شرد المعاني وأصرخت يانار شبـي=وأحرقي كرة المفارق واقطعي حبل المطيه
انهجي منهج عريب ٍ منهجه ماهوب صربي=يعربي واليعربـي مايقبـل علـوم ٍ دنيـه
يوم هاض الفكر هبي ياهبوب النود هبـي=وانعشي قلب الشقاوي عن مطاريق الشقيه
مرحبـا يلـي تقـدم والحقايـق ماتخبـي=وجه من يبدابها والصح اخير من الخطيـه
جبت ياناصر تقارير ٍ لهـا نهـر ٍ يصبـي=من منابيع الوفاء والطيب ونفوس ٍ رضيه
حيث قلبك فيه غيره عن مواقيف المكبـي=كل مازادو تزيد العزم عـن درب الرديـه
فيك خير ومنك خير ولعب فنك مثل لعبـي=في صباح الخير والا يامساء ذيك العشيـه
تمدح اهل المدح يالوافي وعلمك لك ينبـي=بالنوايا الغامضه مثل العسل مابـه حليـه
كن كما من كان لاكانت ظروفـه تستتبـي=ما يحث اقدام رجلـه للتعـب فالمهمهيـه
انت تدري والمعاني خافيه والنـور قبـي=كل مايسدل جناح الليل عاقه مـن مجيـه
من وحل وادي محل مايذكر المعبود ربـي=يوم علمك صار واضح بالحروف الابجديه
والبدايه والنهايه يازنـود الشعـر شبـي=واحرقي خشم الفتيله وازهمي راع العبيـه

خالد العبيريد ,,

من تباريح الكلام الزين يا ذكراي طبي=من ربا نجران في قلب الحدث سوقي العطيه
المعاني من جوابك يا خويلد تلتعبي=حسب تعبير الكلام وحسب تحديد الهويه
جيتني للشعر قايد يوم انا جيته مربي=والنوايا البيض تطمث كل شان وكل سيه
من ينابيع الوفى مديت للتقدير لبي=والخطايا فالنوايا والمعاني جوهريه
فك مكنون الهوا يا ابن النشاما واعتصبي=وابشر بمدت شريفٍ ما يمالي في خويه
ما نبيها يالعبيريدي تجي حسب التنبي=ما اجمل الابيات يوم انها تصدر واقعيه
لا قدحت زنودكم شبت وعيت تلتهبي=لن جوفي نار حيه دايم الدايم لضيه
الليالي تكشف الواقع لو انا له نخبي=ظلم فرد اتسبب بنكسه قويه عالميه
اول التطبيب طبك واخر التطبيب طبي=قالو ان اخر علاج الكي والدنيا مديه
رايتك بيضا ولكن لا تحاول تنتشبي=لو تساندني تورد نفسك لحوض المنيه
مالغبك حد يا خالد ولكن تو غبي=ينتهي موج الهوا بالصمت والطرقه سويه
جاكم الطاروق من بدعي وردك جا يخبي=والعبيه ما لها غيري وانا حامي السريه
ناري اللي فوق راس طويق عيت لا تهبي=نورها وضاح والدنيا معاقلها دنيه
للنقى والعز تبقى يالمرحب لو تلبي=دام لك وقفة وفى بيضا وغرتها سنيه

ناصر الشريف ,,

من نجوم الليل شبة واستدلت منه شهبي=ولعة حرب البسوس وعاد كساب الونيه
قلت فيها ياهلا تسبق هلا من قبل غبي=يا لحون المعركه منتي لحون السامريه
ياعدوي يارفيقي كيف جنبك ظام جنبي=جبتها واشتلتها والناس في ليله هنيه
المعاني عندكم من زود زادي ضمن شربي=والحقايق واضحه مامن كثير ولاشويه
اقدح الزند وتحيزم والنباء بالعزم نبي=والله الي عالم ٍ بالظاهره وضمن الخفيه
كل ٍ بفكره وعزمه والسبايا ماتسبي=لاتجيب ولانجيب الصمت حكمه للبريه
يومك السادس لقيته بين رجواها يدبي=ليه مدري وين بالك وانت ماتبغى العصيه
حاضر ٍ والقيل قالو ربعكم مافيه كبي=والرياح امست ومنها يالشريف ارضك خليه
تدري اني فالاوايل من قديم الوقت دربي=ماعليك من الميول اصبر وانا لا ماعليه
وادري انك نار من نيران ماتطفي تشبي=من يصاليها يحصل سو والدنياء دنيه
مير فك الباب واعرف ذنبكم من قبل ذنبي=ياعجاريف العرب رودي على رود الرقيه
محزمي محزمك والطرقه على الشكلين رعبي=والله أعلم من يكون الي على الدرب الضحيه
جيت في درا الهوى واثر الهوى مافيه لعبي=يطرح الرجال لين يذوق كاس المرمريه
مايقارن وضع من قربه يمثل حال قربي=بعد واحلام ٍ لها فالبال ساعات ٍ بطيه
ابذل المجهود وادركها قبل يومك يتبي=حالة العراف حاله والبلا ساس البليه

خالد العبيريد ولكم تحيااتي وكل تقديري .