وفاكم ياذرى دكام واضح مايبى تفصيل. المردود على محمد الشريف ,,

وفاكم ياذرى دكام واضح مايبى تفصيل. المردود على محمد الشريف ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله صباحكم ومسأكم بكل خير وكل سرور وسعاده,,

اخي محمد الشريف اول شي اتشرف بمساجله معك وثانيا اعذرني ان قصر مني شي ,,

والله ماعلمت بالابيات الا قبل شوي يوم جيت وشفتها ولك الرد وعسى يكون في مقام الابيات ,,

سلام الله سلامٍ غيمه اسـود كـن فيـه الليـل=سلام لو نثر مافي جنوبه يغـرق ابـه النـاس
سلامٍ ماهو بكـاذب ويلعـن كذبتـك يابريـل=على مد السنين ومرها صوت الوتر حسـاس
يغنيها الشريف الي بقا صوتـه وراح الحيـل=على ظهر الضنون الحايله والعـز والنبـراس
يغنيها لخالد صاحبه راعـي الكـرم والخيـل=وراعي العزوه الي لاتعزواها تجيـب الكـاس
عتيبه والنعم معها من اول جيل لاخـر جيـل=هل الناموس لطامة وجيـه العايلـه الانجـاس
رجالٍ لابغاها في الزحم تزحم يـدا وارجيـل=ويزحم راسها بين العرب ماغيرها لـه راس
رجال فـي الكـرم فنجالهـا لامدتـه برميـل=تبى تروى ويروى الي معك من ساير الاجناس
وانا لامن مدحت اعتيبه الهيلا يصيـح الهيـل=على الدله يفور وتنقز البنـه مـن المحمـاس
زميلي خالد الـي رفقتـه مابـه لـه تبديـل=ولو جاني بدلها عملة امريكـا وكـل المـاس
يقولون الشعر وهبه وانا اقول الشعـر تبجيـل=عطاه الله من يعرف قدر صاحبه والقرطـاس
انا امجد بيوت الشعر والمعنى مثـل الانجيـل=بعد ولا قبل ماحرفوه اهـل الكفـر الانجـاس
ياخالد راح ابن جدلان ولّا بـه زمانـه حيـل=وابن قظعان ماتت فكرته في الناب والاضراس
وابن وسام يكتب عام ثم يمرض بـداء الفيـل=وابو فيصل ملك لاكن تاجه مرصـعٍ بنحـاس
خلاص الله عليك ان طحت ياخالد لزوم تشيل=وانا خابر عزومك طيبه من طيب راس وساس
نبي منك المعاني والمعاني منـك وادي الويـل=ولاباقي سواك تطلعه عينـي بـدون اقيـاس
ترى باقي العرب بلا توالي من جـذم تقبيـل=يقبّلها الكلام وروسها تلقـى تحـت الارمـاس

محمد الشريف ,,

هلا يامرحبا ترحيب يشفي من بلاه الويل=على وضح النقاء أبيض بياض ٍ مابه الوسواس
تراحيب الغلا لهل الغلا والشك عنه يزيل=بلا شكه بلا ميله على سلم الوفاء ينقاس
هلابك يالشريف وحي قافك والعلوم تهيل=كما هيل السحاب الي يسوقه بارد النسناس
وفاكم ياذرى دكام واضح مايبى تفصيل=تسلسل من رجال العرف واهل الموقف الحساس
بنيتو جاهكم بالمعرفه والحق والتفضيل=لكم رايه تشيد فالعوالي ماتبي عساس
ويكفي عن كثير القول قول ٍ صح دون القيل=وحنا في زمان ٍ يتعب الي بالفعايل قاس
ولو بعض العلوم الها معي بالمعرفه تحليل=احلل مايبرر موقفي مع رحلة الغطاس
انا من دون ربعي بالعداله عن هل التعديل=ولاهو صح من هو داس مع مر الزمن ينداس
حزامي روق مع برقا ليا جا فالوغى تبذيل=كواكب نجد كان الضد ولع للفتيل اقباس
وانا ماني بقاصر والفرايد جالها تمثيل=تمثلها وامثلها ولو ان المواسي واس
تقدم واتبع السيره وتلقى الجيل ضد الجيل=بدار ٍ سيفه البتار يجحد رفة الامواس
عسى تجمع بواقي مابقى وتصير فالتقبيل=على نور ٍ غشاه الضيم مع لون الدجى الهنداس
انا مالي ومال الي رماه الوقت للترحيل=بديت ومابديته لي كفايه ياقوي البأس
لعل وياعسى يرحمك ربي يالبعير شعيل=عقب زارك على غبر الزمن ناخ وبلاه الياس
ختمنا مابدينا والجهل ماله معي تقبيل=ومن راوس هل المعروف قالو عارف ورواس

وسلامة قلوبكم ,, خالد العبيريد .

المصدر: الملتقى الجماهيري للشاعر محمد بن فطيس المري