ليـه الزمن؟! : (دنـــيـــا بـلـيّــا حـب ظــلــمـى بـلا نـــور)

ليـه الزمن؟! : (دنـــيـــا بـلـيّــا حـب ظــلــمـى بـلا نـــور)

ليـه الزمن يوحي بعـكس الحقيقه
عـلـى القـلـوب اللّـي تنّـور بـلا نــور

أزريـت أحــل اللـغز بأيّـة طـريـقه
ما دام باقــي في الـتـواصل لـنــا دور

يـا مسقي اليابس تـراها حريــقـه
وشبك تبي تقطف من اليابس زهــور

وين الـذي مثـل الذهب له بريـقـه
ما غــيّـر الكـلــمــة ولا بــدّل الشــور

نـارن على خصمه وجـنّة صديـقه
يـفــداه تــبّـاع الحـكـي نـاقــل الـــزور

بـعـض المشاعر لـو تجينا رقـيـقه
ما أظـن صاحبها من الوقـت مـسـرور

يمـكـن يبـي ينجح وينـجح فـريـقـه
ويجبر عظـم رجله بـعد كان مـكـســور

وبعض البشر لو كان عنده وثيقه
عـدّى بحـر واسـتـوقـفـه ستة بــحـــور

ليــه العـجل لـيـته صبر لو دقـيـقه
ارسـم له الخطّـة ويـعبر عـلى الــفــور

ما هـو كـبر لكـن كـشفت الحقيقه
دنـــيـــا بـلـيّــا حـب ظــلــمـى بـلا نـــور

فهد الهباش،،،،،

المصدر: الملتقى الجماهيري للشاعر محمد بن فطيس المري