![]() |
![]() |
![]() |
![]() |
|
![]() |
![]() |
|
أدوات الموضوع | انواع عرض الموضوع |
|
#1
|
||||||||||
|
||||||||||
![]()
بسم الله الرحمن الرحيم ,,
السلام عليكم ورحمة الله وبركاته ,, أسعد الله صباحكم ومسأكم بكل خير وكل سرور وسعادهـ ,, اقدم لكم الافيه وهي فيها نوع من شقر الكلمات واتمنى ان تنال اعجابكم وتراني اقبل النقد والاراء والله ماني بواثق من صحتها كامله ,, هاض الضمير وللمعاني تولمت=يالهاجس الي فالضماير تولمت وان لامني طرق الشعر قلت تو لمت=الله على كل الخلايق رقيبي الاف اولف ماطرالي على البال=والناس ماتدري وش الي على البال قيل ٍ جديد ولانحسبه من البال=عجيب يأهل الشعر كانه عجيبي البا بديت وقلت والله شهيدي=مات الوفاء واظن موتت شهيدي والهجس للمعنى يقوله شهيدي=مامن غرابه يالزمان الغريبي التا تعكر وأختلف صافي الجو=دامه تعكر نطرق الدار والجو صدو عنه ياجنون شعري ثم الجو=بالقرب عقب الدون خان القريبي الثاء ثريا تعتلي في سمايه=مثل السحاب الي يغطي سمايه اسم مسمى مير ماله سمايه=ياذيب يلي لك بصدري نحيبي الجيم جمر السمر لاصار شباب=يسري عليه الي مع الليل شباب كنه مشبب مير بالفرق شباب=من قو مضرابه لاواشيب شيبي والحا حمى مبداه والي يقوله=قده مدام الغير عندي يقوله مثل المطر بالوصف هجسي يقوله=يحذف جلاميد الصخر للشعيبي الخا خفيف ٍ كنه الي مع الحوم=بحرية ً مخلابها دوم مالحوم مع درب خرب ٍ بالوغى طقه الحوم=واحلى من الحالي وطعم الحليبي الدا دواليبه على كل دالوب=مايرتخي لالف للوقت دالوب ثابت ولاهمه على الدرب دالوب=والي يبى نهجه كليف ٍ صعيبي الذا ذرا قافه وسامي قصيده=لوكان كل ٍ قام يكتب قصيده من فارغ المقصود قاصد قصيده=وانا طبيبه كان ماهو طبيبي الرا رويت القيل وان كان مابان=لهل الشعر غامض وانا اقول قد بان هذى وصايف هاجسي عاد لو بان=ولاحاسب الجاهل وربي حسيبي الزا زوايا ضامري مستقله=حسب الفرايد قلتها مستقله والي يقلل قلت لو مستقله=نخيت هاجوسي وهو ينتخيبي السا سنام المجد هذى مقامي=وأعرف مواجيبي وحافظ مقامي يوم الردي ماله فعول ومقامي=صارف ومصروف ٍ بليا نصيبي الشين شفت الشين تالي زمانه=يفخر بجده عقب خانه زمانه مايدري ان جده فعوله زما نه=خايب وظنه فالمواقف يخيبي الصا صروف الوقت لو كان طالت=أعزومنا معها مع الطول طالت من ماتهيا قلت والنفس طالت=مع منهج الطيب واماري بطيبي الضاء ضريب الجد حامي حماها=نار ٍ على النوماس صالي حماها يوم الردي من دونها ماحماها=مانالها كود الشلي العريبي الطاء طواري والطواري كثيره=تلعب براي الي هجوسه كثيره مانطح القالات لوهي كثيره=شارب ولاهو فالزلالي شريبي الظا ظنون الناس منها وفيها=الصايبه والمخطيه دوم فيها والي يفكر يعرف الظن فيها=مثل المعادي فارق ٍ عن صحيبي العين عيب الرجل يترك حقوقه=منقود يوم الناس تاخذ حقوقه وكل ٍ بماجوده يوفي حقوقه=والحمد لله ماحصل في عيبي الغا غرفة من المعاني معاني=طرايق ٍ بالقيل فيها معاني ولو زاد همي فالليالي معاني=لوكنت مدري ويش يخفيه غيبي الفا فتحت ابواب فالشعر واعلنت=تغيرر مبدايه وانا قلت واعلنت من خوف نقد اهل المناقيد اعلنت=لن الخطر من بعد اشوفه قريبي القاف قالو من كثير القوافي=ان المشاعر واصله فالقوافي وانا سريت وقلت نظم القوافي=مع ركب منهم متعبين الركيبي الكا كلايف ياغرام الكلايف=حتى الطبيب يخاف دون الكلايف واثر البلا ماهوب سير الكلايف=كل البلا من طاح يشكي صويبي اللام لام القلب منهو غرامه=وسط الحشاء لو ماتبين غرامه عجز يوافق مع غرامي غرامه=لاقلت احبك قال معرف حبيبي الميم ملت وامتلت عيني دموع=من يوم شفت عيون غيري بها دموع عرفت بأن الود دامع على دموع=حبه غلبني يارجاي الغليبي النون نور المشرق الي بدالي=ضافي شعاعه عقب قلته بدالي اثره شرق بالخير يبغى بدالي=واليأس غصنه بالخضاره رطيبي الها هويت وصرت فالود هاوي=انا عزيز وصرت فالود هاوي عند الذي منهو بجفواه هاوي=يالله دخيلك شبت قدام شيبي الواو ولتبه مع الصد ركابه=والود رمحه في ضميري ركابه متى ركابي تجتمع مع ركابه=واقول حاسب لاتزود اتعذيبي اليا يبين الشوق ياجاحد الشوق=لابد ماياضح بعد يطري الشوق كم واحد ٍ فالحب يشكي من الشوق=يشرف من الي عانده فالرقيبي هاذي تعابير الضمير وهجوسه=غنيتها مادام شعري هجوسه هاضت وكل ٍ حسب مبدا هجوسه=يكتب ويخنى يالهواجيس جيبي وقبل النهايه خاطري فالبدايه=اعيد ماقلته وانا فالبدايه مدام قبل انهي ذكرت البدايه=يارب عفوك وانت وحدك رقيبي وسـلامة نواظركم وقلوبكم ,, خـالد العبـيريد . |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Rss Rss 2.0
Html
Xml Sitemap SiteMap
Info-SiteMap
Seo By RaWABeTvB_Seo