حتى الدفوش اللي سوات الخراتيت=سود الضماير خايبين المبادي

حتى الدفوش اللي سوات الخراتيت=سود الضماير خايبين المبادي

لامستـريـح ن بالوظيـفـه ولا البـيـت


لا راح هـــم الـهــم الاخـــر يــنــادي


مشيـت ليـن مـن المشاويـر ملـيـت


وجلست لين انـي كرهـت القعـادي


وضاقـت علـي فجـوج نجـد وتمنـيـت


الـبـعـد لاصـــار الــفــرج بـالـبـعـادي


عن ديرة ن فيها الحسد والشماميت


أخــس جـنـد الله بأحـسـن بـــلادي


شـذابـة المقفـيـن روس الطواغـيـت


عـبــادة الـدرهــم مـقــر الـفـسـادي


أن جيتهـم قالـوا هــلا فـيـك حيـيـت


وان رحت صرت لكل حاصد حصـادي


صرت الهدف لسهومهـم يـوم قفيـت


تبـدلـت بـيــض الـقـلـوب بـســوادي


الله مــن لـيـل ن قضـيـتـه تنـاهـيـت


ماطـب فـي جفنـي لـذيـذ الـرقـادي


أسنين فـي حلـو الكـرى مـا تهنيـت


مـمـا بقلـبـي عـفـت نـومــي وزادي


من عقب مانـي مستريـح ن تعنيـت


جـيـت لعـنـاي برغبـتـي وانـقـيـادي


مـا حـد غصبنـي ياولـد مــار ضنـيـت


إن الامــــور بحـيـلـتـي واجـتـهــادي


ولا جتنـي الدنيـا عـلـى مــا تـوريـت


مشـيـت دربــن ماقصـدتـه عـمـادي


قامـت تقلبنـي علـى كــف عفـريـت


أمشـي قـدا وألا علـى غـيـر قــادي


حتى الدفوش اللي سوات الخراتيت


ســود الضمـايـر خايـبـيـن الـمـبـادي


اللي منـول فـي حضـوري سواكيـت


فـي غيبتـي صـاروا عــدون مـعـادي


ياما سمعت مـن السوالـف وصديـت


أخــاف بالـهـرجـه يـطــول الـتـمـادي


وتــروح سيرتـنـا سـوالـف سرابـيـت


يهـرج بهـا فـي كـل مجلـس ونــادي


ونصير عقب انـا علـى طيـب الصيـت


بـيـن القبـايـل نــار صــارت رمـــادي












قصيدة للشاعر

خالد ابن صنهات الذيابي العتيبي

المصدر: الملتقى الجماهيري للشاعر محمد بن فطيس المري