ما بغيت اسئل

ما بغيت اسئل

يا عيوني ويش ردات صمت العاشقين
يوم تنظر للمباسم ولاهي تبتسم

وويش هو وقع المفارق على القلب الحزين
وويش تاثير الدعايات واسلوب الرسم

ما بغيت اسئل ولكن علي للحب دين
واسمٍ للحب في جوف شرياني وسم

لا بغيت اقول تكفين يا عوج السنين
تاه تفكيري وانا ادور لخلي اسم

ان بغيت اقارن البوح بالصمت الدفين
شفت كيات الغرابيل عيت تقتسم

لحن صوته طول الايام في صمتي يبين
ليته ليا غاب ياتيه فالراتب حسم

كنت اظن الحبل بيني وبين اهله متين
واثر حبل الحب في داخل عروقي دسم

رايته فالحب حطت لوجداني كمين
بسم ربي كل ما مر ابدي له بسم

يتسم بالغنج والطيش والعقل الفطين
والجمال اليوسفي والبرائه يتسم

الله اكبر كل ما شفت عينه يا حسين
يلتمس عقلي معى الروح ويضج الجسم

يشرق بليلي سنا الشمس لا شفت الجبين
بس عييت ابتسم له وعيا يبتسم

المصدر: الملتقى الجماهيري للشاعر محمد بن فطيس المري