خلّص كلامي!

خلّص كلامي!

..........خلّص كلامي يا الغلا وش بك بقول ؟
.................................... او كيف اعبر عن غلاك ف خافقي



...............يا مزهر ٍ حبّك على اربع فصول
.......................................... وامعطّر ٍ قلبي بهواك العابقي





................ناقة خفوقي في ثرى حبّك ذلول
...........................................لو كان تنحرها ترى بتوافقي




...................يا مقيد ٍ قلبي و تحبابك غلول
........................................... عدني أسيرك للابد يا عاتقي




.............ضحكتك قمرة ما يلامسها الأفول
.................................... واتضيق ضيقاتي بها يا امضايقي




..........ضايقتني بهجرك وانا عندي فضول
..................................وش سالفة هجرك وانا بك غارقي؟




............تدبك لي اشواق ٍ كما دبك الخيول
..........................................كنها لشوفك يا الغلا تتسابقي




............يا شمس قلبي لك زوال ٍ ما يزول
.....................................يا ظلّ عيني في الهوى وامرافقي




......يا صحوتي بوصلك وفي هجرك خمول
............................................ما يختفي الا تجيب امعانقي




.........هذا الهجر هل هو قصير ٍ او يطول ؟
.........................................اف يا حبيبي والله اني زاهقي




.............قايم اوسوس كلما طال الوصول
.....................................واعوذ من شيطان هجر ٍ مارقي




.............ما فارقت عيني طيوفك يا خجول
................................... وش بك ؟ تهاجرني كذا واتفارقي




........غصن الوصل في شّح شوفاتك ذبول
....................................من عقب ما كان بوصالك وارقي




.............خاب الوصل جرّيت دمعاتي ذيول
.....................................طاح اللقى من كلّ هجر ٍ شاهقي




................لكن لو تبعد بعد عشرين حول
...................................ترجع لي يا عمري وانا بك واثقي






............................

...................

.......

المصدر: الملتقى الجماهيري للشاعر محمد بن فطيس المري