والا يموت وسبة الموت عبرى ,,

والا يموت وسبة الموت عبرى ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله مساكم وصباحكم بكل خير وكل سرور وسعاده ,,

اقدم لكم ابيات تعبر عن نفسها وكلي امل ان تحوز على رضاكم واعجابكم ,,

تقول لي عقب البطا كيف حالك=وأنته عن الي صار في حالي أدرى
عايش على ذكراك وأرجي وصالك=وأنشدك عن جرح الهوى كيف يبرى
مشتاق ومن الشوق ياشوق هالك=بين الرجاء واليأس من دون صبرى
مثل الفقير الي تحت حكم مالك=في خافقه من لوعة الضيم جمرى
حده زمانه في دروب المهالك=وشاف القهر والغبن مع زود عسرى
الكل يدعي له عسى الضيم فالك=وعيونهم بالبغض واللوم حمرا
هذى بعد قصًرت عني حبالك=وبادلت وصلك فالموده بهجرى
وش عاد لو مافات لك ماطرالك=نقلت ودك في حشاء القلب وأزرى
قلب ٍ على نهج الموده يسئالك=بحكمك الي شابر الروح شبرى
وش مكسبك وانته على مامضى لك=تجدد اجروحه مع كل ذكرى
معاك بأحساسه ووده صفالك=مازالة اغصون الغلا معك خضرى
طريح وجد ولاسكن في خيالك=ولاشاف غير لخاطره منك كسرى
ليت اللذي صاب المولع جرالك=حتى يعصرك لاهب الشوق عصرى
اما تعرف الي بحبه بدالك=والا يموت وسبة الموت عبرى

وسـلامة نواظركم وقلوبكم ,, خالد العبيريد .

المصدر: الملتقى الجماهيري للشاعر محمد بن فطيس المري