مصيري اسلى وانتهي من غرامك

مصيري اسلى وانتهي من غرامك

بسم الله الرحمن الرحيم

كل عام والجميع بخير
نص جديد اتمنى ان يرتقي لذائقتكم

صحيح احبك لكن البعد قتال=مصيري اسلى وانتهي من غرامك
خذ صمتي الذابح تقاسيم موال=الناي نظرات العيون وسهامك
قبلي على درب الهوى ماتوا ارجال=وانته بنيت الصد مدري علامك؟
مدري حلاك اثر على الحب واحتال=ولا خفوقك مختلف عن كلامك؟
انا من اللي لافعل شيء ماقال=فعلي يزيل الشك لااقبل ظلامك
ولاانت في وسط الحناياوتختال=كريم طعن ومبخلك في سلامك
برد الجفاء مازال فيني ولازال=يرقب دفاء الاشواق ماهو ملامك
صارت غثا ماهي مواعيد واوصال=بين الحنين وكمت بوحي خصامك
طال الهجر والشوق في خاطري طال=حسبي عليك اشلون قل اهتمامك
متى استريح (أ)من الهواء والتغربال=وانسى زماناً لاعني في غرامك

المصدر: الملتقى الجماهيري للشاعر محمد بن فطيس المري