بيظان الوجيــه

بيظان الوجيــه

مخوة الانذال ترميبك القاع=ومن طاح فوق القاع ماعاده يقوم
يخبط وتلعن والدينه الاوجاع=الين قد راسه من همومه اوروم
يالله يلي خالق الناس بطبـاع=اغفـر ذنوبي واترك الآش ماثوم
الي عيونه عند خلق الله اوساع=قلبـه حسود ومااكتفى له من قسوم
والي عن اوصال الاقاريب قطاع=جعله عن الجنه مقفي ومحروم
والي يخون العهد يشنى ويرتاع=ويقاطعونه عزوته واقرب القوم
انذال ماتومن وللعزه اجياع=ياجعلها طول العمر ضيق وهموم
ملعونةٍ تلعب على حبل الاشواع=ياجعلها لهل الشوع نذر ملزوم
ويالله تخلي الجيدين اهل الاسناع=الي يحبون الوفا دايم الدوم
الي لهم للسافي المعتج اشراع=تلقى مخاويهم مقدر ومحشوم
ولضيوفها تذبح من الحاصل ابساع=مافكرت لو مامعاها عشى يوم
سلم عليها يارسولي ولا ذاع=صيتي فقل ماهو بفيكم بمليوم
انتوا جبال الارض للناقص اذراع=لو فيكم اعدن لي على صدري وسوم
مالي بخوة خامل الساس والباع=الي يشوف ان كل خلق الله رخوم

المصدر: الملتقى الجماهيري للشاعر محمد بن فطيس المري