وظيفتي بالحياة استقبل اوجاعي

وظيفتي بالحياة استقبل اوجاعي

يسعد صباحكم مع مساكم بكل خير

وكل عام والجميع بخير

اسف على الـتأخر واحب اسمعكم الجديد من بعد هالغيبه .. عسى ان ينال اعجابكم .


ياللي تقول ابتسم ما للحــزن داعـــي

ماذقت من دنيتك ياصـــاحبــي لوعــه

ماتدري ان الشقى هو سـبــه ابداعــي

لولا الشقى ما عرفت الشعر وسجوعه

انا ادري اني ثقيل وراكــد و واعــي

بس البلا في همــومـن زادت فـروعه

نسعا وبعض السعي هو نكبه الساعي

والحــظ يقطع مداه وشكـلـه ونـوعـه

وظيفتي بالحـيــاة استـقـبل اوجــاعـي

في داخل الصــدر والافراح مـمنوعـه

لا جــاع همـي كلا مابين الاضـلاعـي

والهــم لو جـاع مايصـبـر على جوعه

من يغسل شراع همن غاسـل شراعــي

وادعــي له الله يخلــي دنـيــتـه روعـه

بعض المشاعر رعـاها الله بلا راعــي

وانا المشـــاعر من الثنتين مـقـطـوعـه

مسكين ياقلـب ذكــرك بالشقى شـاعــي

تصيح تحسب صدا الصيحات مسموعه

والناس ماهمـهـا لو شـانت اوضـاعـي

قلـيـل منهم علي بـتـذرف دمـــوعــــه

يالي تقـــول ابتسـم ما للحــزن داعــي

انا الـفـرح في حيـاتي ذابت شـمـوعـه



وسلامتكم

بقلم / ماجد الشمري

,

المصدر: الملتقى الجماهيري للشاعر محمد بن فطيس المري